حماتي حلقتلي شعري حكايات رومانى مكرم 1
فوزي صوته كان بيرتعش وهو بيهزني:
— سارة.. سارة قومي! إيه المهازل اللي بتتبعت على تليفوني دي؟ الحسابات واقفة ليه؟ الكروت مش شغال ليه؟!
قمت بهدوء شديد.. برود قاتل عمري ما عرفته في حياتي قبل الليلة دي. قعدت على السرير، راسي المحلوقة تمامًا كانت بتلمع تحت ضوء الفجر، المنظر خلاه يبلع ريقه بخوف ويتراجع خطوة لورا.
قلتله بابتسامة صافية:
— مش إنت وأمك عايزينني أقعد من الشغل؟ وأنا وافقت. وبما إني ست بيت ومستقيلة، فما بقاش عندي مرتب، وطبيعي قفلت كل الحسابات والفيزا كارد اللي كنتوا عايشين عليها.. مش الراجل هو اللي ملزم يصرف برضه يا فوزي؟ وريني شطارتك بقى، الشقة دي إيجارها الجديد هيندفع بعد ثلاثة أيام.
في اللحظة دي دخلت حماتي “أم فوزي” وهي بتطوح في المشية، وشها باهت وضغطها عالي، وماسكة علبة الدواء الفاضية في إيدها:
— الحقني يا فوزي.. الصيدلية ماردتش تديني دواء السيولة، بيقولوا الحساب المقفول اتلغى! والدكتور طالب تحاليل جديدة وماعييش ولا مليم!
بصيت لها من فوق لتحت وقلت ببرود:
— معلش يا حمايا العزيزة.. أصل أنا خلاص “عرفت مقامي” زي ما قلتي، ومقامي كست بيت مايسمحليش أدفع آلاف الجنيهات علاج وتحاليل.. فوزي يسد بقى، هو الراجل.
فوزي مسك رماشة راسه وبقى يلطم:
— أصرف منين يا سارة؟! إنتِ عارفة إن المرتب بتاعي يادوب بيكفي قعدتي على القهوة وسجايري وقسط القرض اللي عليا! إنتِ عايزة تخربي البيت؟!
وقفت بكل طولى، وبصيت في عينيه وقربت منه لحد ما نفسنا اتقابل:
— البيت اتخـ,ـرب لما أمك مدت إيدها على شعري وإنت واقف تتفرج وتقولي “الشعر بيطول”.. دلوقتي بقى فرجني طولك ورجولتك هتعمل بيهم إيه.
سبتهم واقفين في صدمتهم، ودخلت المطبخ أعمل فنجان قهوة. البيت اللي كان دايماً ريحته أكل وخدمة ليهم، النهاردة ريحته كانت غريبة.. ريحة خوفهم هما.
على الساعة 10 الصبح، الباب خبط بقوة.
فوزي فتح وهو مسطول مش عارف يفكر، لقى اتنين رجالة بعضلات واقفين قدام الباب، ومعاهم تلات عربيات نقل نص نقل تحت البيت.
واحد منهم زق الباب ودخل وهو ماسك ورق في إيده:
— السلام عليكم.. إحنا تبع شركة “الأمانة لإيجار السيارات وبيع الأجهزة”. الأستاذ فوزي متأخر عن سداد قسطين من العربية، والمدام سارة سحبت ضمانها البنكي النهاردة الصبح.. يا تدفعوا كاش دلوقتي حالا، يا هناخد العربية وتلاجة العرض وشاشة التليفزيون اللي مأخذينهم بالضمان.
