ومن صديقك ألف مرة

عدى يوم واتنين وفجاءة اهل محمد جالهم اتصال ابنكم في القسم الفلاني يجرو على المكان اللي اتقالهم عليه مفيش قسم شرطه فالمكان ده اصلا.

تالت يوم جالهم اتصال تاني انا شوفت صورة على النت عن ابنكم المتغيب انا شوفت ابنكم وهو بيتخانق مع حد هنا فالعبور واتصاب وهو عند بنتي تعالو خدوه بس ما تكلموش البوليس انا راجل كبير ومش عاوز بهدلة .

اخو محمد ومامته واقفين فالشارع بيقولو لاء احنا حاسين ان محمد فالشارع هنا حاسين انه قريب مننا بس اخو الأم قال نشوف يمكن حقيقه وراحو على العبور اول ما وصلو كلمو الراجل انت فين ياحج احنا فالعبور الراجل سأل جبتو الحلاوة الخال رد عنينا ليك بس نشوف محمد انت فين نجيلك فجاءة الخط قطع والتليفون اتقفل.

رجعو وراحو على القسم تاني ومن هناك كان في امين شرطة ابن حلال هو اللي حل اللغز راح معاهم يشوف الكاميرات بتاعت يوم الاختفاء فضل اكتر من 4 ساعات يعيد ويكرر فالفيدوهات وقت الاختفاء فالوقت اللي واحد من صحاب مصطفى اتصل بأخوة وقاله جمله كانت هي مفتاح الحل.

قاله مصطفى مابيدورش معانا بقلب هو اول يوم بس ونزل البوست وخلاص على كده و ده غريب لأنهم كانوا اصحاب جدا.

وقتها امين الشرطه حط المعلومه في عين الاعتبار ورجع بس في الكاميرات تاني وبعدين فجاءة قام وقال فين بيت مصطفى راحو على بيت مصطفى اول ما دخلو البيت ريحة الكلور كانت قوية جدا بشكل حاد وفي اشوله فيها رمل مبلول فالمدخل الأمين سأل عن مصطفى

ابو مصطفى قال انه فالشغل

فسأله تاني لو محمد كان جيه يوم اختفاءه لمصطفى

الاب رد ما اعرفش مصطفى ليه شقة لوحدة قاعد فيها وبيقابل فيها اصحابه .

الأمين طلب تفتيشها وتفتيش البيت فالاول ابو مصطفى عارض بس وافق مرغم\

دخل شقة الدور الارضي اللي غرقانه فالكلور لفت نظرة ان الفراخ موجوده فالمطبخ رغم كده ان الحمام هو اللي فيه اثر فضلات الفراخ بشكل اكبر والمطبخ انضف بكتير اما الشقه بتاعت مصطفى طلع لاقاها بتبرق من النضافه لكن بردو ريحة الكلور مش طبيعيه وكأنها ريحة مصنع كلور لف يمين وشمال ورفع طرف سجادة لمح بقعة دم وقال تمام .

نزل وجات قوات من القسم فتشو البيت شوية وجت قوة تانية ومعاها ادوات حفر والساعة 4 الفجر بلغو اهل محمد اللي واقفين على الباب انهم لاقوه متوفي ومدفون في مطبخ الشقة اللي فالدور الأرضي اللي في بيت عيلة مصطفى .