أختي ومرات أخويا أماني سيد ١

فضلت وراهم لحد ما خربت البيت وعقدت الأمور وما سابتش أي باب للصلح. المشكلة إن أخويا لما عرف اللى حصل ده نزل عليه الخبر زي الصاعقة، كأنه كان في غيبوبة وفاق منها. اكتشف إنه ضيع من إيده ست البنات عشان أخت حسودة وأنانيتها جابتها لرباها. البيت عندنا بقى نار قايدة؛ أمي قاطعت أختي وحلفت ما تخش البيت تاني، وأخويا بقى يمشي في الشارع يكلم نفسه من الصدمة والندم، مش مستوعب إن أخته، من دمه ولحمه، هدت حيلنا ودمرت حياته عشان تصالح جوزها على حس سعادته.

ودلوقتي أختي عايشة في نفس البيت مع صلاح وهاجر، فاكرة إنها أمنت نفسها، وهي مش دارية إنها بتبني بيتها الجديد على خراب بيت أخوها، ودعوة أمي عليها طالعة من قلب محروق، والكل مستني الـ،،قـ،،صـ،،اص من ربنا لأن الظـ،،لـ،،م ده عمره ما يعدي على خير. عدت الشهور وهاجر حملت، والدنيا انقلبت رأسًا على عقب في بيت صلاح. حماتها، اللي كانت مخليا أختي تشيل شغل البيت كله وتهينها عشان مش بتخلف، بقت تشيل هاجر من على الأرض شيل. أي حاجة تطلبها مجابة، وممنوع تلمس القشة في البيت خيفة على الحمل إنه ينزل.

وهنا بدأت الطاولة تتقلب على أختي اللي كانت فاكرة إنها أذكى واحدة في الكون! أختي، اللي جابت هاجر بيدها عشان تضمنها وتحطها تحت طوعها وتستغلها في شغل البيت، لقت نفسها فجأة هي الشغالة لـ هاجر! هاجر اللي كانت غلبانة وطيبة، معاملة أختي ليها وحيلتها المسمومة غيرتها، وبقت شايفاها مجرد ضرة أذتها وخدعت زوجها الأولاني. صلاح نفسه بقى طاير بـ هاجر وبحملها، وهمل أختي تمامًا، وبقى كلام أختي ملوش أي قيمة في البيت.

أختي بقت تجينا تحت البيت تحاول تبكي وتتأسف لأمي عشان تلاقي مهرب من النار اللي ولعتها بإيدها، بس أمي كانت تقفل الباب في وشها وتقولها: “اللي يبيع أخوه عشان راحته، ربنا يذوقه المر من نفس الكأس”. أخويا لما شاف اللي بيحصل لأخته والذل اللي بقت فيه، رغم وجعه وقهره على بيته اللي اتخرب، قال كلمة واحدة: “ده العدل الإلهي.. بس أنا مش قادر أسامح، لا أختي ولا هاجر اللي صدقت السم ورضيت تبني سعادتها على خرابي”.

القصة المأساوية دي علمتنا إن المكر السيئ لا يحيق إلا بأهله، وأنانيتها اللي خلتها تخرب بيت أخوها عشان ترضي جوزها، هي نفس الأنانية اللي خلقت وحش أكلها، وبقت عايشة ضيفة ثقيلة في بيتها، بتخدم ضرتها وتشوف بعينها الثمن الغالي اللي دفعته مقابل تدبيرها الخبيث. أختي لما شافت العز اللي بقت فيه هاجر، والمكانة اللي أخدتها في البيت، غيرتها وقسوة قلبها عموها أكتر.. بدل ما تفوق وتستغفر ربنا، الشيطان وزّها على فكرة ألعن من اللي قبلها..