خطيبتي القديمة أماني السيد ١
كنت خاطب جارتنا ومحصلش نصيب بس كنت عارف أنها بتحبنى ومقدرتش تنسانى من بوستاتها على الفيس وحالات الواتس وكنت عارف انها بتدخل صفحتى عشان تشوف اللى بنزله عليها لانها أوقات بتعمل لايك بالغلط وترجع تحذفه بس كان بيوصلى وكنت بشوفه وبتجاهله
وعشان اوجعها كنت بنزل بوستات حب فى بنت على الرغم انى مكنتش مرتبط كنت عايزها تيجى تقولى انا اسفه وموافقه على كل طلباتك… بس العند كان مسيطر عليها
وقتها قررت اخطب واحده تانيه عشان اعرفها واثبتلها ان اى واحده تتمنانى وأنها خسرت فعلاً لما بعدت عنى واتخطبت وعملت خطوبه فى الشارع بتاعنا لان العروسه جاره فى نفس الشارع ويوم الخطوبه منال حضرت وشافت بعامل خطيبتى الجديدة ازاى جبتلها الورد اللى عارف انها بتحبه وجبتلها الخاتم والدبله اللى كانت نفسها فيها شوفتها واقفه فى نص الفرحه ووشها منفوخ وهى عايزه تع. يط ومش عارفه من الو. جع وبقيت ارقص مع خطيبتى وابوس ايدها وراسها فى الفرح ومسكت السماعات وقولتلها قصاد كل الحاضرين انى بحبها وانها انضف انسانه دخلت حياتى
وبصيت ناحيه منال اللى مقدرتش تمسك دموعها ونزلت غص.ب عنها قصاد الكل وبعدها خرجت بسرعه وقررت انى ازود الو.جع اكتر بقيت ابعت لخطيبتى الجديده الهدايا اللى كنت بشوف منال عامله عليها اعجاب فى صفح تانيه وانا عارف إن نفسها فيها كنت عايزه اثبتلها اد ايه خسرت لما بعدت عنى وكنت بخلى خطيبتى تنزل صور الهدايا على الفيس وتنمشتلى فيها عشان أتأكد شافتها واتو. جعت بس اللى حصل بعد كده انا مكنتش متخيله
في اليوم ده، رجعت من شغلي ودخلت أوضتي، ورميت نفسي على السرير وأنا ماسك الموبايل. كنت مستني منال تنزل أي حاجة جديدة، خصوصًا بعد البوست الأخير اللي كتبته، واللي فضل شاغل دماغي طول اليوم. فتحت حسابها، لكن أول ما كتبت اسمها في البحث ودخلت على صفحتها، اتفاجئت إن الحساب مش ظاهر قدامي زي كل مرة.
خرجت ورجعت أدور عليه تاني، وبعدين دخلت من المحادثة القديمة اللي بينا، فظهرتلي رسالة إن المحتوى غير متاح.
عقدت حواجبي، وفضلت أحاول أكتر من مرة، لحد ما استوعبت الحقيقة.
منال عملتلي بلوك!
\- إيه الهبل ده؟!
اعتدلت في قعدتي، وبدأت أفتح حسابها وأقفل وأحاول أوصل لصفحتها من أي طريق، لكن النتيجة كانت واحدة. البنت اللي كنت متأكد إنها بتراقب كل حركة بعملها، واللي كنت بنزل صور خطوبتي وهدايا مروة مخصوص عشان أشوف رد فعلها، قررت فجأة تمنعني حتى من مشاهدة أخبارها!
