جبروت حماتي أبو الدهب 1
حماتي كانت كل يوم تستنى انزل اروح شغلي وتطلع تفتح شقتي وتاخد من جهازي عشان تكمل حاجة بنتها وانا في الأول كنت بلاحظ ان في حاجات غريبة بتنقص من الشقة وكنت بقعد اسأل نفسي هو طقم الكاسات ده راح فين وليه الملايات الجديدة دي ناقصة وبقيت الف حوالين نفسي واشك في كل حاجة واقول يمكن انا ناسية ومستبعدة تماما ان حد يدخل بيتي وياخد حاجتي لحد ما الشك بدأ يربط في دماغي وبقيت مذهولة ومش فاهمة فيه ايه وفي يوم نزلت الصبح ورايحة شغلي عادي جدا واول ما وصلت المحطة اكتشفت اني نسيت ملف مهم جدا بخصوص الشغل ومستحيل اليوم يعدي من غيره فرجعت بسرعة وطلعت السلم وجيت افتح الباب لقيت الباب موارب واستغربت جدا ودخلت بالراحة على صوابع رجلي وبصيت لقيت حماتي واقفه في وسط الصالة وفاتحة كرتونة الشاشة الجديدة وبتشيلها وبتحطها في كرتونة قديمة تانية واول ما شافتني واقفة قدامها اتصدمت والكرتونة وقعت من ايدها ووشها جاب مية لون ولون وقالتلي بتلعثم انتي ايه اللي جابك دلوقتي مش المفروض في الشغل انا وقتها الدم غلي في عروقي وبصيت للحاجة وبصيت ليها وقلت لها انتي بتسرقيني يا حماتي في بيتي وبتخربي حياتي عشان تبني حياة بنتك وكنت فاكرة انها هتتكسف او تعتذر لكنها وقفت وحطت ايدها في وسطها وقالتلي بكل بجاحة وسرقة ايه يا ام سرقة ده خير ابني وانا حرة فيه وبنتي أولى بالحاجات دي منك وانتي اصلا واحدة وش فقر ومستخسرة في اخت جوزك تفرح ووقتها اتصلت بجوزي وانا بتعصب وبصرخ وقولتله تعالى حالا شوف امك بتعمل ايه في شقتنا ولما جوزي جه وسمع الحكاية وبص لامه وبص للحاجة اتفاجئت برد فعله اللي صدمني وكسر ظهري لما قالي
لو عايزة تكملي وتعرفي جوزي قال ايه وايه الصدمة
#حكايات_على_ابوالدهب
لما جوزي جه وسمع الحكاية وبص لامه وبص للحاجة، اتفاجئت برد فعله اللي صدمني وكسر ظهري لما قالي:
“جرى إيه يا سمر؟ كبرتي الموضوع ليه وعاملة فضيحة عشان أختي بتاخد كام حاجة جهازها ناقصه؟ ما إحنا لسه متجوزين والحاجة عندنا بالكوم، وأمي مش غريبة عشان تقولي بتسرقني!”
## الصدمة الكبرى
الكلام نزل عليا زي المية الساقعة. بصيت له ودموعي في عيني مش مصدقة إن الراجل اللي اخترته وسندت عليه بيبرر السرقة، وكمان طالعني أنا الغلطانة! حماتي أول ما سمعت كلامه، ضحكت ضحكة صفرا خبيثة وقالت له: “شايف يا ابني؟ أنا قولتلك من الأول دي وش فقر وباصة لأختك في فرحتها، وعايزة تعمل مشكلة بيني وبينك من ما فيش”.
