سر الزوج الغامض حكايات صافي هاني
بصيت للورق ومش مصدقة، إحنا اللي كنا بنحسب القرش، فجأة بقينا في حتة تانية خالص! بس السؤال اللي وجع قلبي.. هل ياسين كان عارف؟ وهل الفلوس دي هتغير ياسين اللي عرفته وحبيته في الملجأ؟
دخلت الأوضة لقيته بدأ يصحى، خبيت الظرف ورا ضهري وأنا مش عارفة أبدأ الكلام معاه منين.
لو عايزين تعرفوا ياسين رد فعله إيه وهل كان مخبي فعلاً، اكتبوا تم في الكومنتات!
ياسين فتح عينه
وابتسم لي ببرودته المعتادة، وقال لي صباحية مباركة يا عروسة، مالك واقفة كدة ليه؟
قلبي كان بيدق زي الطبلة، طلعت الظرف من ورا ضهري ورميته قدامه على السرير. قولتله وصوتي بيترعش ياسين، في راجل لسه ماشي من قدام الباب، ساب الورق ده.. ممكن تفهمني إيه الحكاية؟ وإيه علاقتك بأسماء الناس اللي مكتوبة دي؟
ياسين بص للظرف، وملامحه اتغيرت تماماً. الابتسامة اختفت وحل مكانها هدوء مرعب. مسك الورق وقعد يقلب فيه وهو ساكت، وبعدين اتنهد تنهيدة طويلة وقال لي كنت عارف إن اليوم ده هييجي، بس مكنتش متخيل إنه هييجي بسرعة كدة.. وتاني يوم فرحنا.
قعدت جنبه وأنا حاسة إن الدنيا بتلف بيا، قولتله يعني إنت كنت عارف؟ كنت عارف إن ليك جد ملياردير وبيدور عليك؟ وليه عيشتني في التعب ده كله؟ وليه فرشنا بيتنا بعفش مستعمل وإحنا نقدر نشتري عمارة بحالها؟
ياسين مسك إيدي وبص في عيني بصدق وقال يا سلمى، أنا لما عرفت الحكاية دي من سنة، خوفت.. خوفت إن الفلوس دي تدخل بينا وتغيرنا. كنت عايز أثبت لنفسي وليكي إننا نقدر نبني حياتنا بجد، من غير مساعدة من حد رمى أبويا زمان. كنت عايز أتجوزك وإنتي بتحبي ياسين اللي مكنش حيلته غير قلبه، مش الوريث اللي معاه ملايين.
سكت لحظة وكمل بس الظرف ده فيه حاجة تانية إنتي مقرتيهاش.. جدي مسبش ورث بس، جدي ساب شرط في الوصية لو منفذتوش، كل الملايين دي هتروح للجمعيات الخيرية،
والشرط ده يخصك إنتي بالذات!
برقت عيني وقولتله بذهول يخصني أنا؟ شرط إيه ده؟
ياسين سكت خالص، وبص للورقة اللي في إيده بتركيز، وبعدين بصلي وقال بصوت واطي جدي كاتب في الوصية إن الثروة دي كلها مش هتتنقل باسمي إلا لو وافقتي إنتي رسمياً إنك تتنازلي عن أي حق ليكي في الفلوس دي في حالة الانفصال، والمفاجأة الأكبر.. إننا لازم نعيش في بيته القديم اللي في الصعيد لمدة سنة كاملة، ومن غير أي تكنولوجيا أو موبايلات.
