بنت خالتي رودي خالد 2

— الفيديو ده… لو اتفرجت عليه خالتي وجدتك… تفتكري هيقولوا إيه؟ هيقولوا البنت المريضة اليتيمة مظلومة برضه؟ ولا هيعرفوا إنك مجرد واحدة مريضة بالغيرة والعقد النفسية؟

حاولت سارة الهجوم عليه لتدفع الهاتف من يده وهي تصرخ:

— امسحه! امسحه يا كريم وإلا هصرخ وألم عليك الشارع وأقول إنك اقتحمت البيت وعايز تعتدي عليا!

لكن كريم كان أسرع وأقوى. أمسك بيدها بقوة وثبتها، وقال في أذنها بصوت كالهسيس:

— صرخي… صرخي بأعلى صوتك… لأن الكاميرا بتسجل بالصوت والصورة، والشارع كله لو جه هيدخل يلاقي الفيديو جاهز للعرض.

ارتجفت سارة، وسقطت على ركبتيها وهي تبكي بكاءً حقيقياً هذه المرة، بكاء الخوف والرعب من الفضيحة المحققة، وقالت وهي تتوسل:

— أبوس إيدك يا كريم… امسحه… مش هقرب منك تاني… مش هاجي ناحية نورا تاني…

نزل كريم لمستواها، وقال بجدية قاطعة:

— مسح الفيديو ده ليه ثمن يا سارة… وثمنه كبير أوي.

رفعت رأسها بخوف:

— إيه هو؟ أعمل إيه؟

قال كريم:

— أولاً: الإسورة الفضة وشال نورا ترجعيهم غصب عنك بكرة الصبح وتتأسفي لها قدام الكل.

ثانياً: هتعملي عزومة كبيرة هنا في البيت بكرة، وتدعي فيها كل القرايب، وفي وسط العزومة هتعترفي قدامهم إنك تصرفتِ بتصرفات مش مظبوطة مع حبيب دينا أخت نورا زمان، وإنك السبب في إن دينا تسيب البيت!

ثالثاً: لو سمعت نبرة صوتك متغيرة مع نورا تاني… الفيديو ده هيكون على تليفون كل واحد من عيلتك.

أومأت سارة رأسها بانهيار تام وافقت على كل الشروط.

في اليوم التالي… أقيمت العزومة الكبيرة في بيتنا. حضر الجميع، وكانت سارة تجلس مطأطأة الرأس، تنفذ أوامر كريم بحرفية شديدة وهي مرعوبة من أن يخرج هاتفه في أي لحظة. أرجعت لي الإسورة والشال، واعتذرت بتلعثم أمام أمي وجدتي اللتين انذهلتا من هذا التغير المفاجئ.

لكن سارة، رغم انكسارها الظاهري، كان شيطانها لا ينام. كانت تجلس في العزومة وعينها تغلي بالغل… كيف لشاب مثل كريم أن يذلها ويهين كبرياءها بهذه الطريقة؟ وانتظرت حتى طلب كريم مشروباً ليرتاح، فوضعت له في الخفاء قطرات من مادة مخدرة قوية جداً استطاعت الحصول عليها من أدويتها الخاصة!

عندما بدأ كريم يشعر بالدوار الشديد والنوم يداهمه، استأذن ليرتاح في غرفتي بناءً على طلب أمي حتى يفوق من التعب. وهنا… رأت سارة فرصتها الذهبية والأخيرة! قالت في سرها: “لو كريم سكران ومش في وعيه، ودخلت له الأوضة وأنا لابسة جاكيت نورا ومرشوشة ببرفانها… وصورته معايا في السرير… الفيديو بتاعه مش هيبقاله أي قيمة قدام الفضيحة دي!”