اشتريت شقة حكايات رشا ٢

وقف أحمد في نص الصالة، عيونه بتتأرجح بين أمه اللي واقفة عند الباب المفتوح ودموعها نازلة بغزارة وهي بتهدده بالغضب والقطيعة، وبين مراته اللي كانت بين الحياة والمو. ت، وشها أصفر زي الليمونة، وجسمها بيرتعش بشكل يخوف من شدة الحرارة، وماسكة في حرف التربيزة عشان ما تقعش على الأرض. حماتي صرخت بصوت هز العمارة كلها:«سامع يا أحمد؟ قسماً بالله لو ما نزلت معانا دلوقتي وحطيت كرامتك وكرامة أمك وأخوك فوق دماغك، لا أنت ابني ولا أعرفك، ودعوتي عليك هتوصل للسما! اختار دلوقتي... أمك وأخوك، ولا الست دي وشقتها اللي ذلتنا بيها؟ »أخوه إبراهيم كان واقف ورا أمه، لابس هدومه وبيصلي بنظرات تحدي وكأنه مستني أحمد يتراجع ويجري وراهم، وسلفتي مي كانت ماسكة بطنها ومندسة ورا حماتي وهي بتبصلي بابتسامة تشفي مستنية لحظة انكساري. أحمد أخد نفس عميق، وخطى خطوتين ناحية الباب... حماتي ابتسمت بنصر، ومي رفعت رأسها، وأنا في اللحظة دي غمضت عيني، وحسيت إن الدنيا بتلف بيا، والحرارة خلاص بتسيطر على عقلي، وقلت في سري: "كده خلاص... الكل باع. "بس المفاجأة كانت لما أحمد وصل عند الباب، ومسك مقبض الباب الإيدين التانية، وبص لأمه بصة كلها كسرة ووجع، وقال بصوت واطي بس يرعب من كتر الهدوء:«أمي... أنتِ أمي وعلى راسي من فوق، وأنا جزمتك أحطها على راسي. بس أنتِ طلبتِ مني أظلم. طلبتِ مني أقف مع الباطل ضد الحق. ندى هي اللي شالتكم في عينيها لما أنا ما كنتش قادر، هي اللي فتحت بيتها بكرامتها وقالتلكم اتفضلوا، أنتم اللي غيرتم الباسورد، وأنتم اللي رميتم هدومها، وأنتم اللي نيمتوها على الأرض وهي بتمو. ت من السخونية! لو أنا وافقتك على الظلم ده دلوقتي، هبقى مش راجل، وما استاهلش أكون ابنك اللي ربيتيه على الأصول.»حماتي برقت عينيها بصدمة:«يعني إيه يا أحمد؟ يعني بتبيع أمك؟»أحمد رد وهو بيهز رأسه بأسى:«أنا مابيعتش حد... أنتم اللي بعتم الأصول واستغلتم طيبة مراتي. الشنط دي كلها هتترفع تنزل تحت، وأنا هجيبلك يا أمي أحسن شقة مفروشة تقعدي فيها على حسابي، وأخويا ياخد مراته ويرجع بيته اللي سابه. بس الشقة دي... صاحبتها تعبانة ومحتاجة ترتاح، وما حدش هيدخلها تاني يقل من كرامتها.»وبدون ما ينتظر رد، مسك الشنط وبدأ يخرجها برة الشقة بنفسه. حماتي بدأت تصرخ وتدعي، وإبراهيم أخوه زقه وقال:«أنت بتطردنا يا أحمد؟ عشان شقة؟ ماشي يا أخويا... الأيام بيننا، وبكرة تسحف تحت رجلينا لما ترميك برة!»أحمد ما ردش، كمل خروج الشنط، ولما آخر شنطة طلعت، مسك الباب وبص لأمه وقال:«أنا جاي معاكِ أوديكم الشقة المفروشة وأطمن عليكِ، بس بيتي ومراتي خط أحمر. »وقفل الباب. أول ما الباب اتقفل، كل الطاقة اللي كانت باقيالي المتبقية جوايا اتلاشت. رجليا ما شالتنيش، ووقعت على أرض الصالة. بعد حوالي ساعتين، بدأت أفتح عيني بالراحة. لقيت نفسي نايمة في أوضتي الرئيسية، على السرير اللي أنا اخترته، وملاية جديدة مفروشة، وفي كمدات مية باردة على أورنتي. لقيت أحمد قاعد جنبي على الكرسي، ماسك إيدي، وعينيه حمرا دم من كتر العياط والتعب. أول ما شافني فتحت عيني، اتعدل بسرعة ومسك كوباية مية:«ندى! حمد الله على السلامة يا حبيبتي... الحرارة نزلت شوية، كانت 39.5 وجبتلك دكتور للبيت أداكي حقنة ومحلول.»بصيتله بسكوت. ما كنتش قادرة أتكلم، ولا عارفة مشاعري ناحيته إيه. هل أفرح إنه وقف جنبي وطرد أهله عشان حقي؟ ولا أزعل إن الموضوع وصل للمرحلة دي وإن أهله بقوا أعدائي الرسميين؟قلت بصوت مبحوح:«وديتهم فين؟»أحمد نزل رأسه في الأرض وأخد نفس طويل:«أجرتلهم شقة مفروشة قريبة مننا، ودفعت إيجارها شهر مقدم... أمي رفضت تتكلم معايا، وقالتلي إني لمحت العايبة وخسرت أهلي، وإبراهيم أخويا حلف ما يدخل بيتي ولا يكلمني تاني. »مسك إيدي بجمود وكمل:«بس أنا مش ندمان يا ندى. أنا لما شفت الفيديوهات، ولما شفتك مرمية على الأرض في المخزن، حسيت إني لو سكت هبقى بصم على قلة أدبهم وظلمهم. أنتي اللي تعبتي في البيت ده، وأنتي اللي عملتي بأصلك، وهما افتكروا إنك خايفة أو مالكيش ظهر.»سكت شوية، وبعدين بص في عيني وقال بجدية:«بس يا ندى... أمي حطتني في موقف صعب أوي. هي دلوقتي مقاطعة، وأخويا بيحرض العيلة كلها عليا. قرايبنا كلهم بيتصلوا بيا من الصبح، بيشتموني وبيقولوا إني بعت أمي عشان خاطر مراتي وغرورها بالفلوس. أنا وقفت معاكي في الحق، بس العيلة كلها دلوقتي أعلنت الحرب علينا.»غمضت عيني بحزن. الحرارة كانت لسه مأثرة عليا، بس عقلي كان بيشتغل بسرعة. كنت عارفة إن الحرب دي مش هتقف عند مجرد كلام أو زعل مؤقت. حماتي ست صعبة، وسلفتي مي مستحيل تسيب الموضوع يعدي بالساهل، خصوصاً إنها شايفاني العقبة الوحيدة اللي منعتها تستولي على الشقة الفخمة وتعيش فيها برنسيسة. تاني يوم الصبح، صحيت وأنا أحسن شوية. أحمد كان نزل يجيب أكل وعلاج. قمت بالراحة، وشغلت التليفون. لقيت كمية رسائل مهولة على الجروب العائلي بتاع عيلة جوزي!حماتي كانت مسجلة فويسات وهي بتعيط بصوت هستيري، بتقول فيها إن أنا ضربتها وطردتها في الشارع نص الليل، وأن أحمد ابنها مشي ورا سحري وأني عملتله عمل عشان يكره أمه وأخوه! وسلفتي مي نزلت صور ليها وهي في المستشفى ومتركبلها محلول، وكاتبة: "حسبي الله ونعم الوكيل في اللي كانت السبب في إني كنت هخسر جنيني بسبب الافتراء والطرد في الشارع! "عمام أحمد وأخواته البنات جرايد رسائل شتائم وتشتيم فيا وفي أهلي، وتهديدات صريحة لأحمد إنه لو ما طلقنيش ورجع الشقة باسم أمه، هيبقى ملهوش عيلة ولا أصل!كنت بقرأ الرسائل وأنا ببتسم بمرارة. الناس دي اتجردت من كل معاني الإنسانية والدين. سمعت صوت تك تك على باب الشقة. افتكرت أحمد رجع، فقمت أفتح. بس لما بصيت من العين السحرية، اتجمدت في مكاني! ما كانش أحمد...كانوا عمام أحمد الاثنين، ومعاهم إبراهيم أخوه، وراجل غريب لابس بدلة ومعاه شنطة أوراق! وكانوا بيخبطوا على الباب بعنف وبصوت عالي!سمعت صوت عم أحمد الكبير وهو بيزعق برة:«افتحي يا ندى! افتحي بدل ما نكسر الباب! الشقة دي فيها كلام تاني خالص ومستندات هيتم المواجهة بيها دلوقتي!»قلبي دق بسرعة. .. مستندات إيه؟ وأحمد فين؟ وليه جايين في الوقت اللي أحمد مش موجود فيه؟!وقفت ورا الباب وقلبي بيضرب زي الطبول. مسكت تليفوني بسرعة وإيدي بتترعش، وطلبت رقم أحمد، بس تليفونه كان بيدي جرس ومابيردش. الخبط على الباب كان بيزيد وعم أحمد الكبير بيزعق بصوت هز الطرقة كلها:«افتحي يا ندى بدل ما نجيب البوليس ونفتح بالعافية! إحنا معانا إعلام شرعي وأوراق تثبت إن الشقة دي من حق العيلة، ومفيش واحدة غريبة هتضحك على ابننا وتاخد شقته!»الكلمات نزلت عليا زي الصاعقة. "أوراق؟ إعلام شرعي؟" الشقة دي أنا الشارية عقدها من الشركة العقارية باسمي، وكل مليم مدفوع من حسابي البنكي الشخصي. أوراق إيه اللي بيتكلموا عنها؟!أخدت نفس عميق وجمعت كل قوتي، ورحت عند الباب ومن غير ما أفتحه، اتكلمت بصوت ثابت وقوي:«يا عمي أنت وهو، الشقة دي ملكيتي الخاصة المسجلة بالكامل باسمي، وأي محاولة لكسر الباب أو الاقتحام هعتبرها جريمة وأطلب النجدة فوراً. وأحمد نزل مش زمان وزمانه راجع، لو عندكم أوراق استنوا لما ييجي!»إبراهيم أخو جوزي رد بصوت مليان غل وضحكة مستفزة:«افتحي بس وما تخافيش يا ست الهانم! المحامي اللي معانا معاه عقود تنازل موثقة باسم أحمد، والشقة دي أحمد كان كاتبها باسمه وصور العقود معانا... أنتِ فاكرة إنك ناصحة؟ أحمد هو اللي بايع ومشتري ومعانا التوقيعات!»عقلي اتوقف عن التفكير للحظة. أحمد؟ تنازل؟ أحمد يكتب الشقة باسمه من ورايا؟! مستحيل... أحمد بيحبني ووقف معايا امبارح وطرد أهله عشان حقي. هل كان بيمثل عليا؟ هل الجدعنة اللي عملها امبارح كانت مجرد تمثيلية عشان يهديني وبعدين يمسكوني من الإيد اللي بتوجعني؟في اللحظة دي، سمعت صوت أقدام جارية على السلم، وصوت أحمد وهو بيتكلم بصوت عالي ونهتة تعب:«في إيه هنا؟ ! أنتم بتعملوا إيه قدام بيتي؟!»عم أحمد الكبير لف له وقال بصرامة:«تعالى يا أحمد! تعالى شوف مراتك اللي قافلة الباب وشايفة نفسها علينا. إحنا جايين ننهي المهازل دي! المحامي أهو والمعاينة والعقود جاهزة عشان الشقة ترجع لأمك وأخوك زي ما كان الاتفاق الأصلي!»أحمد بص للمحامي ولعمامه ولإبراهيم أخوه بذهول وصدمة:«عقود إيه واتفاق إيه اللي بتتكلموا عنه؟! أنتم اتجننتم؟ أنا قلتلكم الشقة دي شقة ندى وبفلوسها! »إبراهيم طلع ملف أوراق من شنطة المحامي ورفعه في وش أحمد:«لا يا أحمد، ما تنساش العقد الصوري اللي أنت ورتوهولنا من ست شهور لما قلت إنك كتبت الشقة باسمك عشان تثبت لأمك إنك صاحب كلمة! العقد الموثق اللي أنت مضيت عليه وبصمت عليه قدامنا كلنا لما أخدت الفلوس من أمي!»أحمد وشه اصفر تماماً ووقف متجمد في مكانه كأنه اتضرب على دماغه. أنا كنت سامعة كل كلمة من ورا الباب. الدم نشف في عروقي. اللغز بدأ يتبلور في عقلي... من ست شهور، لما اشترينا الشقة، أحمد كان متضايق أوي إن أهله بيبصوله بقلة قيمة وبيقولوا عليه إن مراته هي اللي ممشياه وهي اللي بتصرف عليه. وقتها هو طلب مني يوريهم صورة عقد مكتوب باسمه مجرد "عقد صوري" عشان يرضي غروره قدام أمه وأخوه، وأنا من طابتي وأصلي وافقت وعملت له ورقة صورية بس ما وثقتهاش في الشهر العقاري، والعقد الأصلي الحقيقي المدفوع أقساطه بحساباتي كان هو الموثق والرسمي!أتاري أحمد وقتها راح وثق الورقة الصورية من ورايا، أو أهله استغلوا توقيعه وأخذوا الورقة الصورية وديوها لمحامي عشان يعملوا بيها لعبة قانونية!فتحت الباب فجأة. الكل سكت وبصلي. خرجت وأنا مسنودة على الباب، وبصيت لأحمد في عينيه مباشرة وسألته بصوت هادي يرعب:«أحمد... الكلام ده صح؟ أنت عملت عقد صوري باسمك ووثقته من ورايا؟»أحمد كان بيترعش، وجري عليا ومسك إيدي وهو بيبكي:«ندى... والله العظيم ما وثقت حاجة! الورقة اللي عملناها كانت مجرد ورقة عادية عشان أمي تبطل كلام، إبراهيم وأمي هما اللي أخدوا البصمة والتوقيع مني وأنا سكران أو تعبان وعملوا توكيل من ورايا! والله العظيم أنا ما بعتش ولا خنتك!»عم أحمد زغره بغضب:«اسكت يا خايب! بتعيط قدامها؟ الورقة معايدة وموثقة يا أحمد، والشقة دي قانوناً أصبحت ملكك وأنت تنازلت عنها لأمك بعقد بيع وشراء ابتدائي متبصوم ومتمضي!»المحامي اتكلم ببرود وهو بيمسك النظارة:«يا مدام ندى، الوضع القانوني حالياً إن الأستاذ أحمد معاه عقد شراء، وهو حر يتنازل لوالدته. لو حضرتك عندك إثباتات تحويلات بنكية، دي موضوع تاني يتقال في المحاكم وياخدله ثلاث أربعة سنين عقبال ما يبت فيها. إنما حالياً الشقة حيازتها بتمكين من الأستاذ أحمد لوالدته.»سلفتي مي ظهرت من آخر الطرقة وهي طالعة السلم بالراحة وبتضحك ضحكة خبيثة:«ألف مبروك يا طنط الشقة! قلتلك الحق مابيعش أبداً، وهي خلي الفلوس تنفعها في المحاكم بقى!»أنا وقفت في نص المعمعة دي... حرارتي كانت لسه مرتفعة، وجسمي بيغلي، بس عقلي كان صافي زي السيف. أدركت إن أحمد يا إما كان مغفل ومضحوك عليه بطفولية وغل أهله، يا إما كان شريك معاهم وسابهم ينفذوا الخطة لما حس إن الموضوع زاد عن حده. وفي الحالتين، أنا كنت قدام عصابة خططت واستعدت لكل حاجة من شهور. بصيت للمحامي، وبعدين بصيت لعم أحمد وإبراهيم ومي، وأخيراً بصيت لأحمد اللي كان واقف يعيط زي الأطفال ومش قادر يدافع عن نفسه. بتّسمت ابتسامة هادية جداً، مسحت دموعي، وقلت بصوت واضح سمع الشارع كله:«تمام أوي... أنتم جايبين محامي ومعاكم عقود موثقة وتوكيلات؟ ماشي. أنا مش هجادل معاكم ولا هرفع صوتي.»طلعت تليفوني من جيبي وفتحت كود معين. كُملت كلامي:«أستاذ محامي... طالما الموضوع قانون وأوراق، أنت أكيد عارف إن أي عقد بيع أو تنازل لشقة في الكمبوند ده، يلزم موافقة الشركة المترورة المالكة للأرض، وأي نقل ملكية بيحتاج "شهادة عدم إزعاج وصلاحية نقل" من إدارة الكمبوند. والشركة دي... رئيس مجلس إدارتها يبقى خالي، والعقد الأصلي فيه بند صريح إن الشقة لا تُباع ولا تُنقل ملكيتها إلا بحضور المشتري الأصلي اللي هو أنا شخصياً وبشهادة تحويل بنكي باسمي.»وش المحامي اتغير في ثانية وبص لإبراهيم بغضب:«أنتم ما قلتوليش إن الشقة في كمبوند تابعة لشركة تطوير عقاري خاصة وفيها الشروط دي! »إبراهيم اتلجلج ووشه جاب ألوان:«إيه... إيه الشركة دي؟ العقد بيننا وبين أحمد وخلاص!»كملت ببرود أشد:«مش بس كده... التحويلات البنكية اللي دفعت منها الشقة دي، مدفوعة من حساب شركة والداتي الله يرحمها، يعني أي مساس بالشقة دي هيرفع عليه قضية "تزوير ونصب واستيلاء على أموال شركات" ضد أحمد وضد كل واحد اتعامل بالعقد المزيف ده، والتزوير جناية عقوبتها من 3 لـ 7 سنين سجناء مش مجرد قضية مدنية! »الهدوء ساد المكان كأن على رؤوسهم الطير. المحامي أخد شنطته بسرعة وانسحب خطوتين لورا وهو بيبص لعم أحمد:«عن إذنكم يا جماعة... القضية دي فيها شبهة تزوير جنائي وأنا مش هدخل نفسي في قضايا شركات وتزوير توكيلات. اتفضلوا حلوا مشاكلكم بعيد عني!»المحامي سابهم ونزل يجري على السلم!إبراهيم وعم أحمد اتجمدوا مكانهم، ومي ضحكتها اختفت وتحولت لرعب. بصيت لأحمد اللي كان باصصلي بذهول، وقلتله بجمود:«أنت يا أحمد. .. دخلت أهلك بيتي، وسؤلتهم يلعبوا بأوراقك وتوقيعاتك. لو أنت مظلوم وجاهل بلي عملوه، فده غباء لا يغتفر. ولو كنت عارف وموافق، فدي خيانة.»طلعت شنطة صغيرة من ورا الباب، رميتهاله عند رجليه، وقلت:«مفيش حد هيدخل الشقة دي تاني. والشركة بتاعت خالي أبلغتها وحطت حراسة وأمن على باب العمارة من تحت، وأي رجل هتدتب هنا هتتسحب على النيابة بتهمة التزوير والاقتحام. وأنت يا أحمد... ورقتك هتوصلك على بيت أمك مع إنذار بالطرد وقضية استرداد أموال!»قفلّت الباب في وشهم بقوة هزت المكان كله، وسمعت صوت إبراهيم وهو بيصرخ في أحمد، وصوت حماتي وهي طالعة تجري على السلم لما عرفت إن المحامي هرب...قعدت على الأرض ورا الباب، وحطيت إيدي على وشي. الشقة بقت ملكي وحميتها، بس قلبي... قلبي اتقسر ميت حتة.