عريس بنتي حكايات زهرة

بنتي جالها عريس لقطه لكن جوزي قدمله بنت ضرتي عشان هيه الاكبر ولما اعترضت كان هيطلقني ، بس اللي عملته بنتي يوم الخطوبه قلب الموازين كلها وخلى ضرتي تقع من طولها من الصدمه !!!!
انا متجوزة واحد مقوي عليا مراته التانية وعيالها، ودايما حاططهم في حتة تانية لوحدهم. الخۏف من زعل مراته التانية كان مسيطر عليه، تلاقيه ېخاف ينطق بكلمة تزعلها، ويجيب حقها وحق عيالها على حسابي أنا وعيالي . كنت أبلع واسكت وأقول معلش، بكرة ربنا يهديه، لحد ما جه اليوم اللي اتحرق فيه قلبي على بنتي ندى
ندى بنتي الوحيدة جبتها بعد ولادي صبيان
في يوم، ربنا كرمها بعريس لقطة، متعلم و غني

جداً وعيلته واصلة وليه اسم، وجوازة تتمناها أي بنت في البلد. العريس شافها صدفة وهي ماشية معايا في السوق وسأل وعرف طريقنا وجه البيت من بابه يطلب إيدها بشكل رسمي
يومها أنا حسيت إن ربنا بيعوضني عن كل السنين اللي شفت فيها المر مع جوزي ومراته التانية.
قعدنا في الصالون، والعريس طلب ايد بنتي بكل أدب واحترام، وقبل جوزي ما ينطق بكلمة ، لقيت مراته التانية قامت فجأة، سحبت جوزي من إيده وقالتله عايزاك دقيقة يا أبو حمزة بره. وراح معاها زي العاده
رجعوا بعد دقايق وجوزي عينه في الأرض، وبص للعريس وقال بكل برود
بصراحة يا ابني، احنا نتمنا تناسبنا ، بس العادة
والعُرف عندنا مانقدرش نجوز الصغيره قبل الكبيره! لو عايز تناسبنا بجد، أنا عندي بنتي الكبيرة غاده وصدقني لمصلحتك مش هتلاقي أحسن منها.
أنا وبنتي اټصدمنا صدمة عمرنا! صحيح انا الزوجه الاولى وعيالي الاكبر بس ضرتي خلفت بنتها أول ما اتجوزت، وبنتها أكبر من بنتي بسنتين لأن أنا كنت خلفت ولاد في الأول وبنتي كانت هي أصغر عيالنا
بس ده مش معناه إن مراته التانية تتدخل في نصيب بنتي وتسرق عريسها، ولا يدي الحق لجوزي أنه يوافق بالبجاحة دي!
العريس استغرب وفكر شوية وقال بحيرة طب.. ممكن أشوفها؟.
ساعتها، ضرتي نطت وجابت بنتها اللي كانت مهيأها ومتجهزة على سنجة عشرة كأنها
كانت عاملة

الحساب ده من الأول! العريس شافها ووافق وقال تمام، وقرا الفاتحة على بنتها.
بنتي دخلت أوضتها، قفلت على نفسها الباب وقعدت تبكي بدموع بتكوي القلب
مقدرتش استحمل، طلعت لجوزي في الصالة وهو قاعد مع ضرتي بكل هدوء وقعدت أتخانق معاه
إزاي تعمل كده يا راجل؟! دي بنتك! إزاي تبيعها وتكسرها كده؟!.
بصلي بقسۏة وقال بكل برود كلهم بناتي، ودي الأصول، الكبيرة تتجوز الأول.
صړخت في وشه وقلتله الأصول؟! لو كان العكس، لو كان العريس متقدم لبنتها هيه وبنتي الاكبر، كنت هتعمل كده؟! ولا كنت هتقلب الدنيا فوق راسنا؟.
سكت مجاوبش، وعينه هربت من عيني لأنه عارف إني صح.
لكن ضرتي ما سكتتش، وقفت وقالت بسخرية طبعا
هيعمل كده، قصدك إيه إنه ظالم يعني؟ مهو فاهم الصح فين!.
هنا اعصابي تلفت واتنرفزت جامد وقلت لها طبعا ظالم! أول ما وسوستيله في ودنه اتدلق زي العادة ونسي إن اللي بيديها بالجزمة دي بنته !.
قبل ما أكمل كلمتي، لقيت جوزي قام وضړبني قلم على وشي وزعق بصوت هز البيت
آخرسي! أنا راجل البيت وأنا حر، ولو جبتي السيرة دي تاني هتبقي طالق بالثلاثة!.
وقفت مذهولة، حاطة إيدي على وشي من الصدمة ودخلت أوضتي وسط نظرات الشماته المسمۏمة من ضرتي وبنتها .
وعدت الأيام، وجه يوم حفلة الخطوبة. عملوا قاعة كبيرة ودعوا الناس، وكانت الأجواء تمام والكل بيزغرد
جوزي منعني أنا وبنتي من حضور الحفلة، وأصلًا أنا وبنتي
كنا كارهين نحضر ونتفرج على ظلمهم
يومها فضلت شغالة في البيت، أنضف وأروق لحد ما خلصت اللي ورايا كله، وبعدين قولت أطلع أطمن على بنتي في أوضتها.
فتحت الباب.. واټصدمت لما لقيت الأوضة فاضية.. وبنتي مش موجودة!
جريت في الشقة أدور عليها بس ملقتهاش
اټرعبت عليها و لبست عبايتي بسرعة البرق ونزلت جري، وقفت تاكسي وقلتله يطلع على القاعة اللي فيها الخطوبة بأقصى سرعة.
لما وصلت القاعة، دخلت بخطوات مرتعشة وسط الزحمة والأنوار.
بصيت قدامي.. ولقيتها
شفت بنتي.. واقفة في نص القاعة، كانت مظبطه نفسها و لابسة فستان شيك جداً ، ولسه هنادي عليها بس ملحقتش
والي عملته بنتي وقتها قلب الموازين
كلها، وخلى ضرتي تقع