بنت سلفتي أماني السيد 1

بنت سلفتى جالها عريس محاسب ومعاه عربيه وبعد ما اتقدملها واتخطبت بنتى بقت طول الوقت بتعيط

ولما اسألها تقولى

ـ اشمعنى أحلام اتخطبت وأنا لا كده الناس هتقول عنى بايره

بصى ازاى خطيبها حلو وعنده عربيه واكيد معاه فلوس اد كده تفتكرى لو جالى حد هيبقى زيه كده

افرضى جالى حد أقل منه وقتها انا اعمل ايه ومنظرى هيبقى قدام الناس ايه

كلام بنتى دخل دماغى وخلانى بقيت أفكر مليون مره اشمعنى بنت نوال يجلها عربس وبنتى لأ

وقتها حطيت الموضوع فى دماغى وقررت انى لازم اخد عريس احلام منها

بقيت استنى يوم زيارته واخلى بنتى تلبس وتهتم بنفسها على سنجه عشره ومش بس كده بقيت اعمل حلويات ولا اجدعها شيف واتعمد أنا وبنتى نطلع وهو فوق وافضل اعزم عليه واقوله دى بنتى اللى عملاها وبنتى ما بتصدق تفتح معاه فى الكلام

لما سلفتى كلمتنى قولتلها تعالى نقعد وسيبى الاولاد مع بعض يتعرفوا على بعض وانا جيبالها بنتى قاعده معاهم عشان تبقى محرم بدل ماتفضلى انتى قاعده معاهم

وهى كانت بتصدق كنا بنقعد فى الاوضه واسيبهم فى الصاله العريس مع احلام وبنتى مياده وبصراحه بنتى مكنتش بتتوصى فى الكلام والدلع كانت واخده الموضوع حرب بينهم وفعلاً العربس بقى يميل لبنتى ويحب قاعدتها ويقولها دايما وجودك بيدى حس للمكان وبقى في بينهم مكالمات من غير ما احلام تعرف ولما بيروحلهم بقى يتصل بيها عشان تطلع تقعد معاهم

جت اخر مره بنتى كلمته ورفضت تطلع ومن هنا بقى اللعبه اتغيرت وبنتى بقى هى اللى تحط شروطها وقالتله

ـ بقولك ايه عامر انا وجودى ايه فى حياتك انا بقرب منك وبتشدلك وانت كمان مابتعرفش تيجى تقعد هنا غير لما بتكلمنى كأنى انا خطيبتك مش احلام انت حتى بتكلمنى اكتر منها وهى بتشتكى من قله اتصالك بيها تفتكر هنستمر فى الوضع ده كتير

ـ بصراحه يا مياده انا بحبك ةنتى وعايزك انتى

ـ طيب واحلام لازم تكلم اهلها وتفشكل الموضوع وبعدها بشهر تيجى تتقدملى

عمار بقى زى الخاتم فى صباع بنتى الصغير وووووو

**الجزء الثاني:**

عمار بقى زى الخاتم فى صباع بنتى الصغير، وفي نفس اليوم بالليل كلم أحلام وقالها إن كل شيء قسمة ونصيب، وعلل ده بإن طباعهم مش راكبة على بعض، وساب البيت والموضوع اتفشكل في ثواني. نوال سلفتي الدنيا اسودت في وشها، وبقت تعيط وتقول عين وحسدت البنت، ومكنتش قادرة تستوعب الصدمة ولا الإحراج قدام الناس، وأنا وبنتي كنا بنداري الفرحة بالعافية وبنواسيها بـ “كلام ديبلوماسي” وقلوبنا طايرة من النصر.