تحويشة عمرنا منال علي 1
الجزء الأول
“جوزي صرف تحويشة عمرنا كلها على واحدة بتعمل ريلز على فيسبوك… وأنا وقتها عرفت إن اللي جاي هيقلب حياته كلها!”
أنا اسمي ندى… وعُمري ما كنت من الستات اللي بتحب تفضح جوزها أو تشتكي منه للناس. كنت دايمًا أقول: “البيت اللي يطلع سره بره يخرب.” عشان كده كنت بستحمل كتير، وأعدي حاجات كتير، وأقنع نفسي إن أي اتنين متجوزين طبيعي تحصل بينهم مشاكل.
أنا وكريم متجوزين بقالنا سبع سنين.
بقلم منــال عــلي
سبع سنين تعب، وشقى، وحبة حلوين، وحبة مُرّين، لكن عمر ما جه في بالي إن أكبر أزمة في جوازنا هتبقى بسبب… واحدة كل شغلها تصور نفسها قدام المراية وترقص على أغاني تريند.
إحنا ناس على قد حالنا.
ساكنين في شقة حلوة في أكتوبر، قسطها بياكل نص المرتب كل شهر.
كريم شغال محاسب في شركة أدوات كهربائية، وأنا بشتغل أونلاين من البيت في تصميم الإكسسوارات الهاند ميد.
بقلم منــال عــلي
مكنّاش أغنيا.
بس الحمد لله كنا مستورين.
وكان عندنا تحويشة بقالنا أربع سنين بنجمعها جنيه فوق جنيه.
مرة أوفر أنا.
ومرة يوفر هو.
مرة نلغي فسحة.
ومرة نأجل شراء حاجة نفسنا فيها.
لحد ما جمعنا مبلغ محترم.
كنا متفقين إن الفلوس دي متتلمسش.
دي كانت أمان بنتنا لما تكبر…
وأماننا لو حصل ظرف.
وأهو يمكن نجيب بيها عربية مستعملة بدل البهدلة في المواصلات.
كل ده كان اتفاق بينا…
بقلم منــال عــلي
لحد ما في يوم صحيت الصبح، وعملت فطار كريم، ونزل الشغل كعادته.
وأنا فضلت أرتب البيت.
غسلت المواعين.
شغلت الغسالة.
وسقيت الزرع اللي في البلكونة.
بعدها افتكرت إن فاتورة الكهربا قربت آخر ميعاد.
قلت أسددها من الموبايل وخلاص.
فتحت أبلكيشن البنك…بقلم منــال عــلي
بصيت على الرصيد…
فضلت أبص للشاشة يمكن أنا بتهيألي.
لا…
أكيد في حاجة غلط.
الرصيد ناقص بشكل يخض.
عملت تحديث.
قفلت الأبلكيشن وفتحته تاني.
مفيش.
بقلم منــال عــلي
قولت يمكن البنك عنده عطل.
دخلت على كشف الحساب.
وأول ما فتح…
بقلم منــال عــلي
قلبي وقع في رجلي.
تحويل.
