تحويشة عمرنا منال علي 3
الجزء الثالث (النهاية)
بقلم منــال عــلي
تاني يوم الصبح…
صحيت على غير العادة ملقتش صوت الحاجة أمينة وهي بتخبط بالمعلقة على الحلة، ولا صوتها وهي بتنادي:
“اصحوا يا نايمين… البركة في الصحيان بدري.”
استغربت.
بصيت في الساعة.
سبعة ونص!
أول مرة من ساعة ما جت البيت نصحى في المعاد ده.
خرجت من الأوضة لقيت كريم هو كمان مستغرب.
قال:
— هو ماما راحت فين؟
بقلم منــال عــلي
قلت:
— معرفش.
لقيناها قاعدة في البلكونة، ماسكة السبحة وبتشرب شاي، وساكتة على غير عادتها.
كريم قرب منها وقال:
— صباح الخير يا ماما.
ردت عليه بابتسامة هادية.
— صباح النور يا ابني.بقلم منــال عــلي
كان واضح إن في حاجة شاغلاها.
وأنا كنت متأكدة إنها بسبب الكلام اللي سمعته منه امبارح.
—
بعد الفطار…
قالتلي:بقلم منــال عــلي
— ندى… تعالي معايا المطبخ شوية.
دخلت وراها.
قفلت الباب.
وقالت بصوت واطي:
— هو كريم عمل إيه؟
بصيتلها.بقلم منــال عــلي
قلت:
— يعني إيه؟
قالت:
— بلاش تخبي عليا… أنا مش غبية.
أنا عارفة إن في سبب خلاكي تصممي أجي أقعد هنا.
سكت شوية.
وبعدين قررت أقولها الحقيقة.بقلم منــال عــلي
حكيتلها كل حاجة.
من أول ما فتحت أبلكيشن البنك…
لحد آخر تحويل.
وحكيتلها عن البنت المشهورة.
وعن الفلوس.
وعن كدب كريم.
فضلت ساكتة.
ولا قالت كلمة.بقلم منــال عــلي
لكن عينيها كانوا مليانين خيبة.
بعد دقيقة…
قالت:
— يعني ابني عمل كده؟
هزيت راسي.
قالت وهي بتتنهد:
— أنا ربيته أحسن من كده.
ولأول مرة…
شفت دمعة بتنزل من عينها.بقلم منــال عــلي
—
من اليوم ده…
العقاب بقى مضاعف.
بس المرة دي…
مش مني.
من أمه.بقلم منــال عــلي
بقت كل يوم تفكره بغلطته.
كل ما يجيب حاجة لنفسه…
تقوله:
— الفلوس دي كان أولى ترجعها لمراتك.
كل ما يشتكي إنه تعبان…
تقوله:
— التعب الحقيقي تعب اللي ضاع تعبه.
وكل ما يحاول يغير الموضوع…
