مراتي كانت بتشتغل 1
العربية مشيت وسابتني وراها في تراب الشارع، والعمال اللي كنت بتحكم فيهم واقفين يتفرجوا عليا وعلى ذلي. رجعت البيت وأنا مكسور، لقيت أمي وأختي قاعدين في الصالة بيصرخوا؛ عريس أختي لما عرف باللي حصل، واكتشف إن الشقة والشيك باسم أختي من منى مش من طريقي أنا، وعرف إن منى بقت صاحبة المصنع وأنا اتمشيت، خاف من المشاكل ومن شكلنا وقرر يفسخ الجوازة ويرد لها حاجتها!
أمي أول ما شافتني جريت عليا وقالت:
— الحقنا يا أحمد! العريس هيضيع البنت! اتمسح بأعتاب مرتك، بوس رجليها، خليها ترجعلك وتنقذنا من الفضيحة!
بصيت لأمي بنظرة كلها كره، وصرخت بأعلى صوتي:
— إنتي السبب! إنتي اللي ضيعتيني وضيعتي أختي! اتمسح بمين؟ منى خلاص مبقتش منى الشغالة.. منى بقت فوق، وإحنا اللي بقينا في الأرض!
قعدت في ركن الأوضة وأنا حاسس إن الحكاية لسه مخلصتش، وإن اللي جاي من منى هيكون أصعب بكتير من مجرد طرد واستغناء.. منى كانت بتخطط لحاجة تانية تهد بيها كل اللي باقي من كبريائي.
