زوجة أخي حكايات ندى الجمل 1
أخويا مات وساب مراته وتلت عيال صغار… وأبويا قبل ما يموت وصّانا عليهم وقال: «مرات أخوكم دي أمانة في رقبتكم، وعياله دول عيالكم» أنا أخدتها تشتغل معايا، وفتحتلها بيتي وقلبي، لحد ما اكتشفت إن رقمها متسجل على تليفون جوزي باسم راجل! ولما فتحت المحادثات… لقيت خيانة عمري ما كنت أتخيلها، من أقرب اتنين ليا.
مقالات ذات صلة
حكايات منى السيد 2
منذ 6 ساعات
حكايات منى السيد1
منذ 6 ساعات
مدرسة حكايات رومانى مكرم 2
منذ 6 ساعات
مدرسة حكايات رومانى مكرم 1
منذ 7 ساعات
بس القرار اللي أخدته بعدها… خلّى كل العيلة تنهار من العياط
أنا اسمي سلمى، عندي 32 سنة، ودكتورة نسا وتوليد. من وأنا صغيرة وأنا بحلم أبقى دكتورة، ويمكن أكتر حاجة كنت بحبها في شغلي إني بشوف أول لحظة حياة لطفل جديد.
بس سبحان الله… أنا اللي كنت بساعد ستات كتير إنهم يحققوا حلم الأمومة، كنت محرومة من الحلم ده.
أنا متجوزة الدكتور كريم من 8 سنين، وهو كمان دكتور، واشتغلنا سوا لحد ما قدرنا نفتح مركز صغير للنساء والتوليد. سنة ورا سنة المركز كبر، وربنا كرّمنا، وبقى عندنا اسم ومرضى وشغل كويس.
لكن رغم كل النجاح اللي حققناه، كان في وجع جوايا عمري ما اتكلمت عنه.
أنا ماكنتش بخلف.
لفّيت على دكاترة كتير، عملت تحاليل وأشعات، وخدت علاجات، ودعيت لربنا في كل صلاة… بس ربنا لسه ما أرادش.
والحمد لله، كريم عمره ما عايرني ولا جرحني بكلمة. بالعكس، كان دايمًا يقوللي:
ـ إنتِ مراتي وحبيبتي، وأنا اتجوزتك عشانك إنتِ يا سلمى… مش عشان تجيبيلي عيال.
وكنت بصدقه.
كنت بحبه من قلبي… وأمانة، عمري ما تخيلت إن اليوم هييجي وأكتشف إن أكتر حد كنت مأمنة له ظهري هو نفسه اللي هيكسرني.
بس الحكاية بدأت قبل الخيانة بسنين…
أخويا أحمد كان أصغر مني بسنتين، وكان أقرب حد ليا. أحمد ماكانش أخويا وبس، ده كان صاحبي وسندي، وكان روحه خفيفة بشكل يخلي أي مكان موجود فيه يبقى مليان ضحك.
اتجوز ياسمين عن حب.
وياسمين كانت جميلة بشكل ملفت، لكن اللي يعرفها كويس يعرف إن جمالها مش أكتر حاجة فيها. كانت هادية ومحترمة وبتحب أحمد بجنون.
خلفوا 3 أطفال: عمر، وليلى، وآدم.
وكان بيتهم صغير وبسيط، بس مليان حب.
لحد اليوم اللي تليفوني رن فيه الساعة 2 بالليل.
صحيت مفزوعة، لقيت رقم غريب.
