الجزء الثاني تاني يوم الصبح... أنا ما صحيتش متعصبة. ولا حتى كنت ناوية أعمل خناقة. على العكس... قمت هادية بشكل غريب، لدرجة إن كريم افتكر إن الموضوع خلص. ابتسم وهو بيشرب القهوة وقال: ـ خلاص يا سارة... كبرتي دماغك؟ بصيتله وأنا بلبس الجاكيت. ـ هتعرف بعدين. حكايات منال علي قالها وهو ضحك: ـ هو إيه اللي هعرفه؟ ما رديتش. خدت شنطتي ونزلت. لكن بدل ما أروح الشركة... لفيت العربية ووقفت قدام مكتب محامية. بعد ساعة كاملة... خرجت وأنا ماسكة ملف أزرق. ولأول مرة من شهور. .. حسيت إني رجعت آخد نفسي. متوفره على روايات واقتباسات رجعت البيت بدري على غير العادة. دخلت لقيت حماتي قاعدة في الصالة، وأحمد ممدد على الكنبة بيتفرج على ماتش. أول ما شافوني... حماتي قالت بسخرية: ـ النهارده رجعتي بدري؟ ولا الشركة زهقت منك؟ ابتسمت. حكايات منــال عـلـي ـ لا... بس كان عندي مشوار مهم. قال أحمد وهو من غير ما يبصلي: ـ خير يعني؟ قلت بمنتهى الهدوء: ـ آه... خير جدًا. طلعت أوضتي. وبعد نص ساعة... نزلت ومعايا أربع ورقات. حطيتهم على الترابيزة قدام كريم أول ما رجع من الشغل. بصلي باستغراب. ـ إيه ده؟ قلت: ـ اقرا. فتح أول ورقة... واتغير لون وشه. ـ إنذار؟ هزيت راسي. ـ أيوه. ـ إنذار بإيه؟ ـ بإزالة عنوان بيتي من أي أوراق أو نشاط تجاري خلال 48 ساعة... وإلا هبلغ الجهات المختصة. حماتي قامت من مكانها وهي بتزعق. ـ إنتي اتجننتي؟ بصيتلها بمنتهى البرود. ـ لا... أنا فقت. كريم ضرب الورق على الترابيزة. ـ يعني وصلتيها لمحامين؟ قلت وأنا ثابتة: ـ لما لقيت إنكم بتاخدوا قرارات تخص بيتي من غير حتى ما تستأذنوني... أيوه. أحمد قام بعصبية. ـ هو أنا سرقت البيت؟ ـ لأ... بس استخدمت عنوانه من غير إذني. وده حقي أمنعه. حماتي بصت لكريم وقالت: ـ شايف مراتك بتعمل إيه؟ كنت مستنية كريم يقول كلمة واحدة... أي كلمة. يقول مثلًا: "كان لازم نستأذنها." أو: "هي معاها حق." لكن اللي قاله... كان آخر حاجة كنت متوقعاها. بصلي وقال ببرود: ـ لو مش عاجبك وجودنا... إنتِ اللي امشي. أنا اتجمدت مكاني. حتى أحمد رفع عينه من الصدمة. أما حماتي... فابتسمت ابتسامة انتصار وهي فاكرة إن ابنها كسب الجولة. لكن اللي محدش فيهم كان يعرفه... إن البيت ده... كان باسمي أنا لوحدي. وإن الجملة اللي كريم قالها دلوقتي... خلتني آخد القرار اللي هيخلّي حياتهم كلها تتقلب في أقل من أسبوع... يتبع...
