جوزي طردني حكاوي شيمو ٢
قمت من مكاني، ورفعت راسي لفوق، وقولت للمحامي بثقة تامة:– يلا بينا على القسم.. معاد الحساب جه، ومش هرحم حد فيهم أبداً!دخلت قسم الشرطة بخطوات ثابتة وواثقة، كأن الجبال اللي كانت على كتفي كلها اتحولت لقوة في صوته ونظراتي. العسكري فتح لي باب مكتب التحقيقات، وأول ما دخلت، لقيت أحمد جوزي قاعد على الكرسي ومنكمش على نفسه، ووشه أصفر ومبهدل، و جنبه الممرضة -أو مراته العرفي- اللي كانت منهارة وبتعيط بصوت عالي وتدعي على اللي جابوها.
وفي ركن تاني، كانت أخته وأمها قالبين القسم صياح وخناق. أول ما أحمد شافني، عينيه طلعت لقدام كأنه شاف عفريت، وقف مفزوع وقال بصوت فيه ذل وكسرة:– إنتي.. إنتي جيتي هنا يا… إزاي تعملي فيا كده؟ دي العيشة والملح اللي بينا!وقفت قدامه بثبات تام، وبصيت له بنظرة كلها احتقار وقوة، وقُلته بصوت هادئ لكن رصيف القسم كله سمعه:– عيشة ومِلح؟!
إنت فكرت إن العيشة والملح دول هما إنك تدوس عليا، وتطردني في نص الليل عشان كيس شيبسي، وتجيب واحدة تاكل تعبي وجدّي من ورا ضهري بالاتفاق مع أختك ومرت أخويا؟! عهد الذل ده خلص يا أحمد.. النهاردة جاي تستعطفني؟ فين رجولتك اللي ظهرت عليا وعلى عيالي؟أخته دخلت في النص وهي بتزعق وتصرخ:– إنتي قليلة الأصل!
جاية تفضحي جوزك عشان هانم وعايزة تخربي بيته؟ مش كفاية إنه كان مستحملك؟بصيت لها وضحكت بتهكم وقلت:– استملني؟ أنا اللي كنت شايلة أمها اللي إنتوا الاتنين كنتوا بتعدوا عليها باليومين تسيبوها لي وتقولوا وراينا بيوت! أنا اللي كنت بمسح جوخ وأخدم ليل نهار لحد ما ظهري انحنى، وفي الآخر تتفقوا عليا عشان تجيبوا دي وتقعدوها على جاهز؟ اصبروا بقى، ما هو الطباخ مراته بتتسجن معاه!
وكيل النيابة كان قاعد بيتابع المشهد بكل جدية، وخبط على المكتب بصوت عالي وقال:– كفاية صوت عالي وهري لحد هنا! الكل يسكت.. الأستاذة مقدمة مستندات ومحاضر رسمية، وتحريات المباحث أثبتت صحة كل كلمة: زواج عرفي غير مرخص في شقة مسجلة باسم والدة المتهم، وطرد تعسفي للأم والعيال، وتواطؤ وإهانة. الأوراق كلها رايحة لمحكمة الأسرة والجنح، والمتهم والمدام اللي جنبه محبوسين على ذمة التحقيقات!
أول ما النيابة نطقت بالحكم ده، أحمد وقع على الكرسي ودموعه نزلت زي الأطفال، وبدأ يترجاني:– عشات ولادنا يا أم العيال.. تنازلي، والنبي ما تفضحينا، أنا أسف، ارجعي البيت وكل اللي تحبيه هيتملك تحت رجليكي!بصيت له نظرة أخيره وقولت:– تحت رجليتي؟ التراب اللي كنت بتمسحه هو اللي غالي عليا، أما إنت.. فخلاص، خلصت بالنسبة لي.
