أتربيت على أيد والدي بقلم زيزي
وفجأة صوت خطوات سريع جه من ورا المدرج.
راجل لابس بدلة وقف عند الطرف، وبص علينا كلنا.
وقال بهدوء غريب كنت عارف إن اليوم ده هييجي.
عماد وشه اتغير تمامًا.
همس لا مش دلوقتي
الست بصتلي وقالت شايفة؟ دي الحقيقة اللي كنت خايفة توصلك.
والراجل بدأ يقرب خطوة خطوة ناحيتنا
وكل خطوة كانت بتقربنا لحاجة أخطر بكتير من أي اعتراف قبل كده الراجل لسه بيقرب وكل خطوة منه كانت بتخلي صوت الناس يختفي أكتر كأن الدنيا بتتقفل علينا واحدة واحدة.
عماد وقف قدامي على طول، كأنه
متابعة القراءة
اتربيت علي ايد والدي بقلم زيزي
بيحاول يحميني بجسمه.
وقال بصوت واطي بس فيه خوف واضح إنتِ لازم تمشي دلوقتي
أنا بصيت له أمشي فين؟ وانا مش فاهمة حاجة!
الست مسكت إيدي بسرعة وقالت لو فضلتي هنا أكتر من كده هتتسحبي لنفس الدوامة اللي هربت منها وأنا سيباكي زمان.
ساعتها قلبي بدأ يدق أسرع.
الراجل وقف قدامنا على بعد خطوات وقال بهدوء غريب اتأخرتوا في الاعتراف.
بصيت له إنت مين؟ وإيه اللي عايزه مننا؟
ابتسم ابتسامة مش مريحة خالص وقال مش أنا اللي عايز حاجة أنا اللي بلمّ اللي اتفك.
عماد اتشد وقال بعصبية لأول مرة إبعد عنها!
الراجل رفع إيده بهدوء مش جاي أأذيها أنا جاي أقولها الحقيقة كاملة.
بصيت لعماد حقيقة إيه؟ كل واحد فيكم بيقول حاجة غير التاني!
الست خدت نفس وقالت بسرعة لأن الحقيقة مش بسيطة أنا هربت منك يوم ما اتولدتي لأن فيه اتفاق اتعمل واتنفذ غلط.
سكتت لحظة وبصت للراجل وقالت وهو كان جزء منه.
بصيت للراجل يعني إيه جزء منه؟!
الراجل رد بهدوء يوم ما اتسابتي، ماكنش هدفنا نسيبك تعيشي حياة وحشة الهدف كان نحميكي من حاجة أكبر.
عماد بصله بحدة كفاية كذب!
بس الراجل كمل إنت فاكر إنك أخدتها صدفة؟ لأ إنت كنت مراقَب واتختبرت.
سكت ثانية وبصلي أنا مباشرة والسبب إنك عايشة دلوقتي إن حد قرر يكسر الاتفاق.
ساعتها الدنيا كلها اتلخبطت في دماغي.
اتفاق إيه؟! ومين أنا أصلاً؟!
الست صرخت فجأة مش دلوقتي!
بس كان الوقت فات.
الراجل قرب خطوة وقال إنتِ مش مجرد بنت اتسابَت إنتِ جزء من حاجة لو عرفتيها كلها مش هتقدري ترجعي تعيشي حياتك القديمة تاني.
عماد مسك دراعي جامد مش هتسمعي منه!
بس أنا كنت ببص للاتنين، وقلبي بيقولي إن في حاجة أكبر بكتير من اللي بيتقال.
