أتربيت على أيد والدي بقلم زيزي
وبعدين بصّتلي أنا مباشرة إنتِ ما اتسابتيش صدفة إنتِ اتسابتي عشان سبب.
سكتت ثانية، والكل حوالينا كأنه بيحبس أنفاسه.
وبعدين قالت الجملة اللي خلت دمي يتجمد والرجل اللي
بتقولي عليه أبوكي كان عارف مكانك من أول يوم.
بصيت لعماد.
مش مستوعبة.
ده ده مش صحيح صح؟
عماد فتح بُقه، وبعدين قفله تاني كأنه لأول مرة مش لاقي كدبة يقولها.
الست كملت وهي بتقرب خطوة أنا جيت النهارده مش عشان أخدها منك أنا جيت عشان أقولها الحقيقة قبل ما تكمل حياتها وهي مش فاهمة إيه اللي حصل لها وهي طفلة.
وفي اللحظة دي
عماد بص في الأرض وقال بصوت واطي جدًا إنتي كان لازم تفضلي بعيدة كنت بحاول أحميكي منها ومن الحقيقة.
ساعتها أنا رجلي اتخلعت.
تحميني من إيه؟ ومن مين؟!
الست رفعت إيدها وبصّت ناحية حد في الحضور وقالت مش منها بس من اللي كانوا عايزين يخلصوا منها أصلاً
وفجأة
اسم اتقال في الهمس وسط الناس.
اسم أنا عمري ما سمعته قبل كده بس حسيت إن له علاقة بيا.
الست قالت والرجل اللي إنتِ بتقولي عليه أبوكي مش هو الشخص الوحيد اللي كان يعرف قصتك.
وسكتت فجأة
كأنها بتستنى رد فعل واحد بس من عماد.
بس هو ما اتكلمش.
وبعدها بصتلي تاني وقالت لأن الحقيقة كلها لسه ما اتقالتش عماد ما اتحركش من مكانه، كأنه اتشل.
الهمس في المدرج زاد، والناس بدأت تبص لبعضها مش فاهمة حاجة.
أنا بصيت له وقلبي بيتكــــ، سر اتكلم قولي إن كل ده كذب
بس هو أخد نفس طويل، ورفع عينه لأول مرة ناحيتي.
وقال بصوت واطي جدًا أنا حاولت أنساكي الحقيقة عشان تعيشي طبيعي بس واضح إن الوقت خلص.
الست ابتسمت بس ابتسامة مريرة وقالت أخيرًا.
ساعتها حسيت إن في حاجة كبيرة جدًا هتقع.
عماد كمل وهو بيبص في الأرض أنا ما لقيتكيش صدفة أنا كنت عارف إنك موجودة.
سكت ثانية، وبعدين قال الجملة اللي خلت الدنيا تلف بيا وأمك ما سبتكيش لوحدها هي كانت مستخبية.
بصيت للست فجأة.
إنتي كنتي فين كل السنين دي؟!
الست دموعها نزلت وقالت كنت بخاف لأن اللي حصل زمان ما كانش مجرد تخلي كان في ناس تانية في الموضوع.
سكتت لحظة، وبعدين قالت أنا سبتك عشان أحميكي من أبوكي الحقيقي.
ساعتها كل حاجة وقفت.
بصيت لعماد بسرعة هو هو أبويا الحقيقي؟
عماد هز راسه بسرعة لا
بس الست قا، طعته مش هو اللي رباكي بس هو اللي بدأ القصة كلها.
