مكايد أخت مراتي حكايات زهرة 2
اتلعثمت
وقالت
أكيد لخبطت بينك وبين حد تاني
قلت لها
لا
إنتي مقولتيش يمكن
إنتي حلفتي بالله إنك شوفته بعينك
ليه
ليه بتكدبي
سكتت
بصيت لنور
كانت واقفة مصدومة
دي أول مرة تشوف أختها مش عارفة ترد
قربت منها نور وقالت
قولي الحقيقة
ليه بتعملي فينا كده
سارة بدأت تتنفس بسرعة
وملامحها اتغيرت تماما
وبعدين قالت جملة خلت الدم يتجمد في عروقي
قالت
لأن أحمد مكانش المفروض يكون من نصيبك إنتي
كان المفروض يبقى من نصيبي أنا…الأوضة كلها سكتت
نور بصت لأختها وكأنها أول مرة تشوفها في حياتها
قالت بصوت مكسور
إنتي بتقولي إيه
سارة نزلت عينيها في الأرض وقالت
الحقيقة
أنا حبيت أحمد من قبل ما يتقدم لك
يوم ما بابا قال إنه جاي يخطب واحدة في البيت كنت فاكرة إنه جاي عشاني
ولما عرفت إنه اختارك إنتي حسيت إن الدنيا كلها وقعت فوق دماغي
نور قالت وهي مش مستوعبة
بس إنتي كنتي متجوزة
ردت سارة
كنت متجوزة فعلا
بس جوايا عمري ما نسيت
ولما شوفتكم مبسوطين كنت بموت كل يوم
كل مرة أشوفه بيبصلك أو يهزر معاكي كنت أحس إن في نار بتاكل قلبي
وأول ما عرفتك حامل حسيت إن خلاص حياتكم هتكمل للأبد
وساعتها قررت إن العلاقة دي لازم تنتهي
أنا وقفت مكاني مصدوم
مكنتش متخيل إن كل الخراب ده سببه غيرة دفينة
نور قالت وهي بتصرخ
عشان كده كنتي كل مرة تيجي تسمميني عليه
عشان كده كنتي تخليني أشوفه وحش
سارة هزت رأسها وهي بتعيط
أيوه
كنت بقول لنفسي لو اطلقتوا يمكن أنسى
يمكن أرتاح
يمكن أبطل أفكر فيه
نور قربت منها ووشها كله وجع
وقالت
إنتي مش بس ظلمتي أحمد
إنتي دمرتي أختك
أنا كنت كل ليلة أبكي وأحس إني متجوزة راجل خاين
وهو كان بريء
إنتي خليتيني أشك في الإنسان الوحيد اللي عمره ما كذب عليا
سارة انهارت على الأرض
وقالت
أنا ندمانة
والله ندمانة
سامحوني
لكن نور رجعت خطوة لورا
وقالت
في حاجات ينفع تتسامح
