زيارة صاحبتي ١

قالت: — طبعًا يا فندم. طلعت موبايلي وقلت: — أنا صديقي نازل هنا ومش عارفة أوصله عشان في مشكلة في موبايله. الموظفة بصت للشاشة. وبعدين سألتني: — اسمه إيه؟ قلت: — أحمد… وسكت لحظة. وبعدين قلت اسمه بالكامل. الموظفة فتحت السيستم. فضلت تدور شوية. وبعدين قالت بمنتهى العفوية: — أيوه يا فندم، موجود عندنا.

حسيت الأرض بتتحرك من تحتي. لكن سألتها بهدوء: — موجود لوحده؟ الموظفة بصت للشاشة تاني. وقالت: — لأ، الحجز باسم أحمد و… سكتت لحظة. وبعدين قالت: — معاه زوجته. زوجته… الدم نشف في عروقي. الكلمة وقعت عليا كأنها صدمة. أنا مرات أحمد. يبقى مين الزوجة اللي مكتوبة معاه؟

مسكت طرف الكاونتر عشان مايبانش إني بتترعش. وبعدين سألت: — هو في أنهي جناح؟ الموظفة ردت: — جناح 602. رفعت عيني للسقف. أخدت نفس طويل. وبعدين شكرتها ومشيت. طلعت لسارة. قالتلي: — عرفتي إيه؟ بصيتلها وقلت: — أحمد هنا. اتصدمت. — أحمد جوزك؟

هزيت راسي. — أيوه. قالت: — طب كلميه! ضحكت. بس ضحكتي كانت غريبة. وقلت: — لأ. — لأ ليه؟ بصيت في عينيها وقلت: — عايزة أعمله مفاجأة. سارة افتكرت إني بهزر. ضحكت وقالت: — إنتِ ناوية تعمليله مفاجأة إزاي؟ طلعت موبايلي. وفتحت جروب عيلة أحمد. أمه وأبوه وأخواته وأولادهم.

وكتبت: «مساء الخير يا جماعةعندي خبر حلو جدًا… أحمد أخد ترقية كبيرة في شغله، وأنا عايزة أعمله حفلة مفاجأة النهارده.» ماعداش دقيقة… حماتي ردت: «بجد؟! ابني اترقى؟!» رديت: «أيوه، وأنا متأكدة إنه هيبقى مبسوط جدًا لو لقاكم كلكم معاه.» حمايا كتب: «ربنا يوفقه، طبعًا لازم نكون معاه.

» ماعداش دقيقة… حماتي ردت: «بجد؟! ابني اترقى؟!» رديت: «أيوه، وأنا متأكدة إنه هيبقى مبسوط جدًا لو لقاكم كلكم معاه.» حمايا كتب: «ربنا يوفقه، طبعًا لازم نكون معاه.» أخته: «فين الحفلة؟» وهنا ابتسمت. وكتبت: «في الفندق اللي هو نازل فيه.» حماتي سألت بسرعة: «هو فين؟

» بعتلها اسم الفندق. وبعدين كتبت: «أنا هرتب كل حاجة، بس محدش يقوله. عايزة ندخل عليه كلنا مرة واحدة ونفاجئه.» في أقل من ربع ساعة… جروب العيلة كله كان بيتجهز. واحدة هتجيب جاتوه. واحد هيجيب بالونات. حماتي قالت إنها هتجيب هدية. وأخته قالت إنها هتجيب ورد.

أما أنا… فكنت قاعدة في الكافيه مع سارة، وببص على موبايلي. قلبي كان بيدق بسرعة. مش عشان حفلة ترقية. لكن عشان أنا عارفة إن أحمد… مافيش عنده ترقية. على الأقل… هو ماقالليش حاجة عنها. أنا اللي اخترعت المناسبة.