عندي ٣ بنات روماني مكرم ٢

حكايات رومانى مكرم بعد ما رفعت قضية الطلاق… لأول مرة حسيت إني واقفة على رجلي. الخوف اللي كان مسيطر عليّ سنين… بدأ يختفي. لكن حسام ما سكتش. في الأيام اللي بعد كده… بدأ يتصل بيا كتير. كل مرة نفس الكلام. مرة يقول: “اسحبي قضية الطلاق.

” ومرة يقول: “الأرض دي لازم تخرج من إيدك.” لكن ردي كان ثابت: “انساني يا حسام.” وفي يوم… رن تليفوني. كان رقم غريب. رديت بحذر: “ألو؟” جالي صوت راجل ما أعرفوش. قال: “انتي مدام نجلاء؟” قلت: “أيوه.” قال بسرعة: “أنا صاحب محل الدهب اللي جوزك حاول يبيع عنده.

” اتجمدت مكاني. قلت: “إيه؟!” قال: “جوزك جالي امبارح بكمية دهب كبيرة… وكان مستعجل يبيع.” قلبي بدأ يدق بقوة. قلت: “وبعتوه؟” قال: “لا.” سكت لحظة… وبعدين قال: “لأن الدهب كان عليه اسمك.” فعلاً… أبويا زمان كان كاتب اسمي على بعض القطع. قلت بسرعة: “والدهب فين دلوقتي؟

!” قال: “رفضت أشتريه… وهو أخده ومشي.” قفلت التليفون… وأنا حاسة بالغضب بيغلي جوايا. لكن الموضوع ما وقفش هنا. في نفس الليلة… كنت قاعدة مع بناتي. مريم كانت بتذاكر… وسلمى بتحكي لليان قصة. فجأة… سمعنا صوت خبط شديد على الباب.

قمت وقلبي بيدق. فتحت الباب بحذر. كان حسام. لكن مش لوحده. كان معاه راجلين ما أعرفهمش. بص لي وقال ببرود: “محتاج آخد الأوراق.” قلبي اتقبــ,,ـــــض. قلت بحدة: “اطلع برا.” لكن واحد من الرجالة قرب خطوة. وقال: “خلينا نخلص الموضوع بهدوء.

” رجعت لورا بسرعة وقفلت الباب. وقلت بصوت عالي: “أنا هكلم الشرطة.” لكن حسام ضـ,ـرب الباب بإيده وقال بعصبية: “افتحي يا نجلاء.” في اللحظة دي… مريم خرجت من الأوضة. وقالت بخوف: “ماما… في إيه؟” حـ,ـضنتها بسرعة. كنت لازم أحميهم. رفعت التليفون وطلبت الشرطة فعلًا.

قلت بصوت واضح قدام الباب: “لو ما مشيتوش دلوقتي… البوليس في الطريق.” سكتوا لحظة. واضح إنهم اتفاجئوا. بعد ثواني… سمعت صوت خطواتهم وهم ماشيين. بصيت من الشباك. لقيت حسام بيركب العربية وهو غاضب جدًا. لكن قبل ما يمشي… بص للشباك… وشاور بإيده بعلامة تهديد.

حسيت برعشة في جسمي. — تاني يوم… المفاجأة حصلت. المحامي اتصل بيا وقال: “لازم تيجي المحكمة فورًا.” قلت بقلق: “ليه؟” قال: “جوزك قدم بلاغ.” قلت بصدمة: “بلاغ بإيه؟!” قال: “بيقول إن انتي اللي سـ,ـرقتي دهبه وفلوسه من البيت.” وقفت مش مصدقة. قلت: “ده كذب!