عندي ٣ بنات روماني مكرم ٢
لكن هو كمل: “وأنا اللي خدت أوراق الأرض.” بصيت له وأنا مش مصدقة. كأنه أخيرًا بيقول الحقيقة. قال: “كنت مديون… وكنت فاكر إن الأرض هي الحل.” سكت لحظة… وبعدين بص ليا. وقال بصوت متكسر: “أنا ظلــ,,ـــــمت نجلاء.
” دموعي نزلت بدون ما أحس. لكن كلامه ما وقفش. قال: “أنا حاولت أخد حق مش حقي… وكذبت قدام الناس.” القاضي سأله: “هل تعترف بمحاولة الاستيلاء على الأرض؟” قال بدون تردد: “أيوه.” ثم قال جملة خلت القاعة كلها تسكت: “أنا كنت أعمى… كنت فاكر إن الولد أهم من أي حاجة.
” وسكت لحظة. وبعدين قال: “لكن دلوقتي عرفت إني خسرت كل حاجة.” رفع عينيه ناحية بناتي اللي كانوا قاعدين ورايا. وقال بصوت مليان ندم: “حتى بناتي.” القاعة كانت صامتة تمامًا. ثم قال آخر جملة: “أنا مستعد أتحمل أي حكم… بس حبيت أقول الحقيقة.” القاضي بص له طويلًا.
وبعدين قال: “المحكمة ستأخذ اعترافك في الاعتبار.” لكن المفاجأة حصلت بعد الجلسة. لأن المحامي بتاعي قرب مني وقال: “في حاجة مهمة.” قلت: “إيه؟” قال: “وصية والدك الكاملة ظهرت.” قلت بدهشة: “الكاملة؟” قال: “أيوه… وفيها بند محدش كان يعرفه.” قلبي بدأ يدق بسرعة.
قلت: “إيه هو؟” ابتسم وقال: “الأرض مش بس باسمك… أبوك كتب إنها لا تُباع أبدًا… وتفضل ملك لكِ ولبناتك فقط.” وقفت مصدومة. لكن المفاجأة الأكبر… إن في آخر سطر في الوصية… كان مكتوب جملة غريبة. جملة محدش فهم معناها في البداية.
لكن لما قريتها… عرفت إن أبويا كان شايف المستقبل كله. وكان كاتب: “لو حاول أحد أخذ هذه الأرض ظلــ,,ـــــمًا… فالحقيقة ستظهر ولو بعد حين.” حكايات رومانى مكرم تابعو صفحه رومانى مكرم بعد اعتراف حسام قدام القاضي… القاعة كلها كانت ساكتة.
الناس بصاله بنظرات مختلفة… بعضهم مستغرب… وبعضهم شايف الندم اللي ظهر في صوته. القاضي أخد الأوراق… وبص فيها بهدوء. وبعدين قال: “المحكمة سترفع الجلسة للمداولة.” خرج القاضي… وبدأت الدقائق تمر ببطء شديد. أنا كنت قاعدة جنب بناتي. مريم مسكت إيدي وقالت: “ماما… بابا هيحصل له إيه؟
” بصيت لها… وقلبي اتقبــ,,ـــــض. مهما حصل… هو أبوهم. قلت لها بهدوء: “اللي ربنا شايفه خير… هيحصل.” بعد حوالي نصف ساعة… رجع القاضي. الكل وقف. القاضي بدأ يتكلم بصوت واضح: “بعد الاطلاع على الأوراق… وسماع الشهود… واعتراف المتهم.” القاعة كلها حبست أنفاسها.
