عندي ٣ بنات روماني مكرم ١
لكن قبل ما يركب عربيته… شفته من الشباك. كان بيتكلم في التليفون… وصوته كان عالي شوية. سمعته بيقول جملة خلت الدم يتجمد في عروقي: “الأوراق بقت معايا خلاص… جهّز المحامي.” حطيت إيدي على بقي. يعني هو سـ,ـرق الأوراق فعلًا. لكن الصدمة الأكبر كانت لسه جاية.
بعد ساعة تقريبًا… خبطت على الباب واحدة ما أعرفهاش. فتحت لها. كانت ست كبيرة شوية… وشكلها محترم. قالت بهدوء: “انتي مدام نجلاء؟” قلت: “أيوه.” طلعت ورقة من شنطتها وقالت: “أنا جاية أنبهك… جوزك دلوقتي عند محامي… وبيحاول يعمل توكيل مزور علشان ينقل الأرض باسمه.
” حسيت إن الأرض بتدور بيا. قلت بصدمة: “إزاي؟!” قالت بهدوء: “لأنه فاكر إنك لو ماعندكش أوراق… محدش هيصدقك.” وقبل ما أسألها أي سؤال… قالت جملة قلبت حياتي: “بس هو مايعرفش إن أبوك كان عامل نسخة تانية من كل الأوراق… ومخبيها في مكان محدش يعرفه.
” اتجمدت مكاني. وقلت: “فين؟!” ابتسمت الست وقالت: “أنا اللي أعرف.” وقفت أبص للست اللي قدامي… وقلبي بيدق بسرعة. قلت لها بقلق: “حضرتك مين؟ وإزاي تعرفي أبويا؟” ابتسمت بهدوء وقالت: “اسمي أمينة… كنت شغالة مع والدك سنين طويلة في الأرض.” الكلام خلاني أهدى شوية. فعلاً… الاسم مألوف.
افتكرت إن أبويا كان بيذكر اسمها كتير. دخلتها البيت وقعدنا في الصالة. لكن عقلي كان مشغول بحاجة واحدة. الأوراق. قلت بسرعة: “حضرتك قلتي إن أبويا مخبي نسخة تانية من الأوراق… فين؟” بصت لي لحظة كأنها بتتأكد إني قوية كفاية تسمع الحقيقة.
وقالت: “أبوك كان عارف إن ممكن ييجي يوم حد يحاول ياخد الأرض منك.” اتجمدت مكاني. قلت: “كان عارف؟” هزت رأسها وقالت: “أيوه… لأن جوزك حاول مرة قبل كده يسأله عن الأرض.” الكلام نزل عليّ زي الصدمة. قلت: “حسام؟!” قالت: “قبل وفـ,ـاة أبوك بسنة… جه الأرض وسأل عن الورق وعن الملكية.
” حسيت إن الدنيا بتلف. يعني الموضوع قديم… مش من دلوقتي. كملت أمينة كلامها: “يومها أبوك فهم إن في نية مش كويسة.” وسكتت لحظة… وبعدين قالت: “علشان كده عمل حاجة محدش يعرفها.” قربت منها وأنا متوترة: “إيه هي؟
” قالت: “راح الشهر العقاري وطلع نسخ رسمية تانية من كل الورق… وخلاها محفوظة بعيد.” قلبي بدأ يرجع يدق بالأمل. قلت: “فين؟” ابتسمت ابتسامة صغيرة وقالت: “في مكان محدش يتخيله.” سكتت لحظة… وبعدين قالت: “في بيت أبوك القديم.” بيت أبويا. البيت اللي اتقفل بعد وفـ,ـاته. البيت اللي محدش دخله من سنين.
