بعت دهبي عشان أخلف حكايات منى السيد ٢

رجعت البيت وأنا بسحب رجلي بالعافية، العرق كان مغرق وشي والوجع في ضهري بدأ يزيد، دخلت لقيت ريهام قاعدة على الأرض وماسكة التليفون، رفعت راسها وقالتلي بفرحة ممزوجة بوجع: — ابن خالي حول تمانين ألف على حسابي في البنك وسحبهم كاش دلوقتي وجايبهم في الطريق بالمــ,,ـــــوتوسيكل.

. الفلوس هتكون هنا قبل أربعة ونص! اترميت على الكنبة وأنا بنهج، ومسكت بطني اللي كانت متحنطة من القلق. بصيت للساعة.. أربعة وتلت. وبعد ربع ساعة، الباب خبط خبطة خفيفة، كان قريب ريهام، سلم الفلوس ومشي بسرعة. لمينا الفلوس كلها على الترابيزة..

كومة ورق بتمثل شقا عمري وأرض أم ريهام، محطوطين قصادنا عشان يدفعوا تمن كدبة وطيبة قلب عميا. وفجأة، اتفتح باب الشقة بالمفتاح! دخل محمود.. كان قالع جاكت البدلة وراميه على كتفه، هدومه متبهدلة، وشعره منكوش، وشه كان ميت تماماً.

أول ما دخل وشاف الفلوس المرصوصة على الترابيزة، وشافني قاعد بعبايتي وطرحتي وببصله بجمود، وشاف ريهام عينها في الأرض.. اتسمر مكانه. المفتاح وقع من إيده على البلاط رن رنة خلت اللي في الشقة كلهم يتخضوا. بص لمحمود ولقيت عينيه بتوسع برعب، وصوته طلع مبحوح كأنه بيطلع في الروح: — إيه ده؟

.. الفلوس دي بتاعة مين؟.. سارة.. أنتي عملتي إيه؟! قومت وقفت على مهلي، وقفت قدامه وبصيت في عينيه مباشرة.. مكنتش في عيني دموع، كان فيه بس برود يكسر الحجر. شاورت على الفلوس وقلتله بصوت هادي ومخيف: — الفلوس دي تمن سكوت الحاج فتحي يا محمود..

تمن ربع مليون جنيه كمبيالات كنت هتدخل بيهم السجــ,,ـــــن وتفضحني وتفضح ولادك قبل ما يتولدوا. محمود رجع خطوة لورا، وشه اتخطف وبقى لونه أزرق، وبلع ريقه وبص لريهام بصدمة، وبعدين بصلي وقال بتوسل وصوت مخنوق: — سارة.. أنتي عرفتي؟ والله العظيم كنت هحلها.

. والله العظيم كنت رايح أتصرف.. قاطعته بقسوة: — كنت هتحلها إزاي؟ بالاستخبا؟ ولا بالكدب؟ بعت دهبي وسددت بيه ربا أخوك؟ واستلفت من البنك عشان تعملي الحقن المجهري وتوهمني إنك بطل؟ دهبي شقا عمري يروح في مصايب عماد وإنت تفضل ساكت وتستنى لما الراجل يجي يخبط على بابي ويهددني؟

! محمود مقدرش ينطق، دموعه نزلت فجأة، نزل على ركبه قدامي في نص الصالة، مسك إيدي وباسها وهو بيعيط بحــ,,ـــــرقة راجل مكسور: — حقك عليا.. اضــ,,ـــــربيني، اطرديني، اعملي اللي انتي عايزاه بس متبصليش البصة دي! أنا كنت غبي، شيلت هم أكبر مني، مقدرتش أشوف أخويا بيضيع، ومقدرتش أكسر حلمك وأقولك مش هنعمل العملية.