جوزي طردني حكاوي شيمو ٣

. قمت بثبات وفتحت الباب. لقيت أمي واقفة على الباب، وعينيها غرقانة في الدموع، وماسكة شنطة صغيرة فيها حاجات خفيفة، وشكلها مكسور خالص. بصيت لها بهدوء من غير ما أتكلم، فقالت بصوت متحشرج:ـ ينفع يا بنتي تقفلي بابك في وش أمك زي ما عملت مع حماتك؟ أنا عارفة إني قصرت معاكي، ومرت أخوكي دي كانت مسلطة علينا الشيطان، بس أنا أمك في الآخر.. ومقدرتش أستحمل أقعد في بيت حاسة فيه إن بنتي مكسورة وبعيدة عني.

حسيت بغصة في قلبي؛ لأن مهما حصل دي أمي، بس الجرح اللي سابوه فيا مكنش سهل يتعالج بيوم وليلة. فتحت الباب شوية وقولت لها بصوت هادئ:ـ تعالي يا أمي.. دخلي، البيت بيتك زي ما كنتِ بتقولي لي دايماً، بس اعرفي كويس.. أنا مش البنت الضعيفة اللي كانت بتستحمل المذلة عشان تسكت الناس. أنا هنا ملكة بيتي، ومحدش هيدخل بيتي ولا يتحكم فيا تاني.

دخلت أمي وقعدت على الكرسي وهي بتمسح دموعها، وقالت بصوت مكسور:ـ حقك عليا.. أنا غلطت إني مسمعتكيش كويس وإني سكت عن مرتك أخوكِ.. بس طلقي الشر من قلبك، أحمد اتقبــ,,ـــــض عليه، ومراتك أخته وأمها قالبين الدنيا ومش عارفين يعملوا إيه. قاطعتها وأنا بصب لها كوباية شاي وبقول ببرود:ـ خليهم يشربوا من نفس الكاس اللي سقوني منه.

. لا أحمد يفرق معايا، ولا أهله، وكل واحد هياخد جزاؤه بالقانون. وقبل ما أمي ترد، التليفون رن.. كان المحامي بتاعي. فتحت الخط بسرعة، فلقيت صوته مليان حماس وهو بيقول:ـ أستاذة.. عندي ليكي أخبار تفرح! المحكمة أصدـ,,ـــرت قرار نهائي بالتمكين المنفرد لشقة الزوجية لصالِحك، ورفضت كل طعون أحمد وأهله، وكمان تم التحفظ على جزء كبير من أمواله لحين الفصل في قضايا التعويض والنفقة الكبيرة اللي طلبناها.

ده غير إن الممرضة اعترفت بكل حاجة في التحقيقات وقالت إن أخته ومرت أخوكي هما اللي خططوا لكل ده عشان يطردوكِ!سمعت الكلام وحسيت بنصر مبين بيلتف حواليا. بصيت لأمي والمحامي على التليفون، وقولت بصوت عالي وقوي:ـ شكراً يا أستاذ.. انا مستنية الجلسة الجاية على نــ,,ـــــار، عشان أعرفهم مين هي اللي بيتقال عليها “واحدة تمشي ييجي مكانها عشرة”.

قفلت التليفون، وبصيت قدامي في المرايا، ولقيت الست الضعيفة اللي كانت بتعيط في المطبخ اختفت تماماً، وظهرت بدالها ست قوية، قادرة تحمي عيالها، وتبني حياتها من جديد على أساس من الكرامة اللي لا يمكن تتنازل عنها أبدًا. الشمس كانت غابت وطلت نجوم الليل، وهدوء الشقة كان مريح وجميل، بس جوايا كان فيه نــ,,ـــــار حماس وإصرار على إن الحكاية دي لازم تخلص بالطريقة اللي تليق بكل دمعة نزلت مني ومن ولادي.