وصية الحاجة فاطمة
أنا هرفع قضية بطلان وصية! دي أمي ومفيش حد يرثها غيري! أنتِ ساحرة لها يا نادية؟! عملتِ لها إيه عشان تكتب لك كل حاجة وتكتب حق انتفاع وتدمر مستقبلي ومستقبل ولادي؟! المحامي وقف بثبات وقفل الملف، وبص لطارق بقلة حيلة وازدرار شديد طارق…
اسمعني كويس جداً ولأول مرة كمحامي عيلتك وكصديق لوالدك المرحوم. لو حاولت ترفع قضية واحدة أو تقرب من الشقة دي أو تضايق مدام نادية، الأوراق اللي معايا في الملف الثاني هتروح النيابة العامة فوراً پتهمة التزوير في محررات رسمية والاستيلاء على أموال ودية بدون وجه حق.
طارق اتلعثم ملف ثاني؟! ملف إيه؟! المحامي طلع من شنطته الجلد ملف أحمر ثاني، وقال بنبرة حسم لا تقبل النقاش والدتك سابتلي أمانة ثانية.. إيصالات الأمانة اللي أنت خليتها توقع عليها وهي مش واخدة بالها تحت مسمى أوراق تجديد رخصة السيارة، والمبالغ اللي حولتها لحساب زوجتك في دبي!
والدتك كانت حريصة إنها تتجنب سجنك في حياتها، بس سابت المستندات دي كدرع حماية ل مدام نادية وللجمعية الخيرية عشان ما تفكرش مجرد تفكير إنك تتلاعب بالقانون بعد مۏتها! طارق سقط على الكرسي من جديد، وكأنه أكل ضړبة قاضية على رأسه.
كان بيتنفس بصعوبة، ونظراته تائهة بين أرضية الصالة وبين الأوراق الرسمية الموثقة بختم النسر. المحامي الأستاذ سامح الټفت ليّ، وابتسم بوقار مدام نادية… مفاتيح بيت الحاجة فاطمة، وصندوق الخشب القديم، والمستندات الرسمية لحق الانتفاع بقت في حوزتك القانونية بدءاً من اللحظة دي.
والجمعية الخيرية هتبدأ تباشر أعمال الإشراف على صيانة البيت الخارجي وشجرة الياسمين بناءً على رغبة الحاجة فاطمة. أنا رفعت رأسي، ومسحت دموعي وقلت للمحامي بصوت ثابت رغم البكاء أستاذ سامح… أنا مش هاخد الذهب، ولا عايزة البيت لنفسي. أنا عندي بيتي ومستورة والحمد لله.
طارق رفع رأسه بسرعة بريق أمل زائف في عينيه، لكنني كملت كلامي بكل كبرياء الذهب والمجوهرات هيروحوا بالكامل لجمعية أطفال السړطان مع أصل الحساب البنكي عشان يتحقق حلم الحاجة فاطمة. وأنا هفضل حارسة على بيت الشجرة وعلى شجرة الياسمين، هرويها كل يوم وهسقي وردها زي ما كانت بتعمل بالضبط، وهيفضل البيت مفتوح لأي حد محتاج أو غريب، لحد ما ييجي اليوم اللي ربنا يجمعني بيها وأسرد لها إن الأمانة صانتها إيد أمينة.
