بعد جوازي بشهرين أماني السيد 3

قمت وقفت، ولميت حاجتي ونزلت.. الغضب اللي جوايا امبارح كان غضب زعل، لكن الغضب بتاع النهارده كان غضب إبادة.

اتصلت بحسين، رد من أول رنة وصوته ملهوف:

— “أرجوكِ يا ريم.. اسمعيني، أمي تعبانة وفي المستشفى دلوقتي بسبب اللي حصل، خلينا نقعد ونحل الأمور، أنا مستعد أعتذر لك قدام العيلة كلها وبوس راسك.”

قلت له بنبرة باردة ومرعبة:

— “أنا واقفة قدام العمارة رقم 4 في حي النرجس.. الشقة الدور الثالث يا حسين.. شقة ‘نهى’.”

الخط قطع.. الصوت اختفى تماماً من عنده.. عرف إن المستور اتكشف، وإن اللعبة اللي لعبها هو وأمه بفلوسي، بقت هي الحبل اللي هيلف حوالين رقبتهم.

وقفت قدام باب العمارة، مستنية وصوله.. عشان الفصل الجديد من الحساب مش هيبقى مجرد طرد من فيلا، ده هيكون تجريد من الشرف، والمال، والحرية.

**”الضــ,,ـــــربة الجاية مش هتقلب التربيزة وبس.. دي هتدفــ,,ـــــن الماضي باللي فيه.”**

### الجزء الرابع (وقبل الأخير)

الشارع كان هادي، ونسمة الهوا بتاعة المغربية باردة، بس جوايا كان في نــ,,ـــــار قادرة تحــ,,ـــــرق بلد باللي فيها. وقفت ساندة على عربيتي، باصة لباب العمارة اللي ساكنة فيها “نهى”.. المكان اللي اتدفع تمنه من شقايا، من حر مالي، ومن دمع عيني على ابني اللي راح وأنا فاكرة إن جوزي شايل معايا الهم، وهو كان شايل فلوسي ورايح يتدفى بيها في حــ,,ـــــضن تانية.

بعد أقل من ثلث ساعة، ظهرت عربية تاكسي نزلت منها أم حسين وحسين.. منظرهم كان يصعب على الكافر. أم حسين اللي كانت امبارح كأنها ملكة متوجة بالكردان الذهب، كانت جاية لامة طرحتها وجسمها بيترعش، وحسين وشه أسود زي الطين، وعينيه مش قادرة تيجي في عيني.
مشيت خطوتين ناحيتهم، ووقفت ببرود وثبات هز الأرض تحت رجليهم:

— “أهلاً يا حماتي.. أهلاً يا سيدي الرجالة. من طردة الفيلا في التجمع، لـ شقة النرجس.. الشحاتة بتليق عليكم برضه.”

حسين قدم خطوة وهو بيرفع إيديه كأنه بيستعطفني:

— “ريم.. أرجوكِ، أمي ملهاش ذنب، أنا اللي غلطت.. أنا اللي ضحكت عليها وفهمتها إن الفلوس دي أرباح من شغلي، وهي كانت فاكرة إنها بتأمن مستقبلي!”

### قناع “الحمية” المسكــ,,ـــــينة يتساقط

ضحكتي رنت في الشارع، وبصيت لأم حسين اللي كانت بتمثل التعب:

— “تؤ تؤ يا حسين، متظلــ,,ـــــمش الحاجة.. الحاجة هي اللي كانت بتسحب الفلوس بنفسها من الفيزا كارد الإضافية بتاعتي، وهي اللي راحت مع الست نهى وسجلت الشقة باسمها في الشهر العقاري.. تحب أطلع لك كشف الحساب والتواريخ اللي مطابقة لأيام سحب أمهاتكم من البنك؟”