بعد جوازي بشهرين أماني السيد 3
بس الناس في المنطقة الراقية مفيش حد اتهز لها.. الكل كان بيبص لهم باحتقار.. نفس نظرة الصمت اللي هما بصوهالي امبارح وأنا بنضــ,,ـــــرب، اتردت لهم النهارده مضافة عليها نظرات الشماتة والقرف.
الضابط قرب من حسين وأمه ونهى:
— “اتفضلوا معانا على القسم.. لتنفيذ إذن النيابة بالقبــ,,ـــــض والتحقيق.”
قبل ما يركبوهم بوكس الشرطة، قربت من حسين.. قلعت دبلة الجواز وبكل برود رميتها تحت رجله في الطين، وقلت له بصوت مسمعوش غيره:
— “الفيلا فضيت خلاص.. وشركتك بكره الصبح هيعلن إفلاسها في الجرائد الرسمية.. والشقة دي هحجز عليها وعفشها هيتباع في المزاد العلني.. القلم اللي ضــ,,ـــــربتهولي امبارح، تمنه عمرك كله أنت وأمك وست الحسن بتاعتك ورا القضبان.”
مشيت وركبت عربيتي.. قفلت الأزاز وشغلت التكييف، وبصيت في المراية.. وشي اللي كان معلم فيه مكان القلم امبارح، كان النهارده منور بضحكة النصر.
**الخطوة الجاية هي الرصاصة الأخيرة اللي هتقضي على اللي باقي من عيلة حسين.. الفصل الأخير على أبواب المحكمة.**
حكايات رومانى مكرم تابعو صفحه رومانى مكرم
### الجزء الخامس والأخير (والحكمة)
مرت تلات شهور على ليلة “كبسة النرجس”، تلات شهور كانت المحاكم والنيابات فيها بتغلي. ق*ضية التزوير والاستيلاء اللي رفعها الأستاذ فريد كانت مقفولة ومستوفية الأركان؛ العقود المزورة، التقارير المالية لشركتي، كاميرات المراقبة بالصوت والصورة اللي وثقت لحظة اعتــ,,ـــــدا حسين عليا وطردي، وكشوف الحسابات البنكية اللي بتثبت خط سير كل مليم اتسـ,ـرق مني.
في اليوم ده، كنت قاعدة في قاعة المحكمة الكبرى، لابسة طقم أسود شيك ونضارتي الشمسية متعلقة في رقبتي. مكنتش لوحدي، القاعة كانت مليانة بنص العيلة اللي كانت بتصقف وتهيص في عيد ميلاد أم حسين من تلات شهور.. بس المرة دي مكنوش جايين يغنوا، كانوا جايين ووجوههم في الأرض، خايفين وعينيهم بتهرب من عيني، بعد ما عرفوا إن “الست المتلقحة” اللي كانوا بيسخروا منها، هي اللي كانت مأكلاهم الشهد.
### لحظة النطق بالحكم
انفتحت باب غرفة المداولة، ودخل المستشار رئيس الجلسة، والكل وقف في صمت رهيب. حسين كان واقف في قفص الاتهام، دقنه طويلة، وشه شاحب، وهدومه دبلانة.. وورا القفص كانت أمه قاعدة على المقعد الخشبي، الكردان الذهب اختفى، وحل مكانه انكسار وخوف حقيقي من ضياع ما تبقى من عمرها ورا القضبان.
